Áleýmettik meditsinalyq saqtandyrý qorynyń basqarma tóraǵasy Bolat Tókejanov júiede saqtandyrylǵan qazaqstandyqtardyń naqty sanyn atady, dep habarlaidy QazAqparat.
Birinshi sáýirdegi jaǵdai boiynsha Qazaqstan halqynyń 84,4%-y meditsinalyq saqtandyrýǵa qatysýshy bolyp tabylady. Bul – 15,9 mln adam», - degen Bolat Tókejanov 2,9 mln qazaqstandyq Mindetti áleýmettik meditsinalyq saqtandyrý (MÁMS) júiesinen tys qalǵanyn atap ótti.
«Saqtandyrylmaǵandardyń ishinde 2 mln adam turaqsyz tóleýshiler bolyp tabylady. Iaǵni, olardan qandai da bir aýdarymdar men jarnalar alyndy, biraq turaqty emes. Sonyń saldarynan bereshek paida bolady da jáne meditsinalyq saqtandyrý mártebesinsiz qalady. Tólemderdiń júieliligin saqtaý mańyzdy. Taǵy 922 myń adam MÁMS úshin birde-bir ret jarna tólemegen. Olardyń sany azaiyp keledi: jyl basynda olar bir jarym ese kóp bolatyn», - dedi Qor basshysy.
