Ótken jyldyń qorytyndysy boiynsha halyqtyń 85% -y, iaǵni 15,9 mln adam meditsinalyq saqtandyrý júiesimen qamtyldy. Bul týraly Ortalyq kommýnikatsiialar qyzmetinde ótken brifingte Áleýmettik meditsinalyq saqtandyrý qorynyń Basqarma tóraǵasy Bolat Tókejanov aitty, dep habarlaidy QazAqparat.
«Karantindik sharalarǵa qaramastan, osy kezeńdegi biznestiń tólem qabiletsizdigi birinshi jyl ishinde mindetti meditsinalyq saqtandyrý júiesine qatysýshylar sanyn 1 million adamǵa kóbeitti: 2020 jylǵy qańtarda 14,9 million adam bolsa, biyl qańtarda 15,9 million adam boldy», - deidi Áleýmettik meditsinalyq saqtandyrý qorynyń Basqarma tóraǵasy.
Onyń aitýynsha, MÁMS júiesinen 3 mln-nan astam qazaqstandyq tys qalǵan.
«Olar kez kelgen ýaqytta tegin meditsinalyq kómektiń kepildik berilgen kólemi sheńberinde meditsinalyq qyzmetterdi alýǵa quqyly. Qor ákimdiktermen jáne beiindi ministrliktermen birlesip, halyqty MÁMS-ke tartý jónindegi júieli jumysty jalǵastyratyn bolady», - dep atap ótti Bolat Tókejanov.
