Densaýlyq saqtaý ministri Eljan Birtanov "Habar" telearnasyna bergen suhbatynda meditsinalyq saqtandyrýdyń barlyq qyzmetine qansha qarajat jumsalatynyn aitty, - dep habarlaidy Tengrinews.kz tilshisi.
"Meditsinalyq saqtandyrýdyń barlyq qyzmetine jylyna 600 milliard teńge qajet. Bul san halyq sany men olardyń meditsinalyq kómekke júginýinen shyǵyp otyr. Zań kúshine endi, endi ol barlyq adamǵa mindetteledi: qyzmetkerler, jeke kásipkerler, jumysshylar - barlyǵy aýdarym jasap otyrýy tiis", - dedi ministr telearnaǵa bergen suhbatynda.
Sondai-aq, ministr qorda aqshanyń jinalatynyna senimdilik bildirdi.
"Bizde osy jyly birinshi qarajat retinde 22 milliard teńgemiz bar, al jalpy negizi kem degende 57 milliard teńge kerek. Osy qarajat kelesi jyly bolýy múmkin qaýip-qaterlerdi joiýy kerek. Munyń barlyǵy qordyń qarajat jaǵynan turaqsyzdyǵyn qamtamasyz etý maqsatynda talap etilip otyr", - dedi ministr.
