دەنساۋلىق ساقتاۋ مينيسترٸ ەلجان بٸرتانوۆ "حابار" تەلەارناسىنا بەرگەن سۇحباتىندا مەديتسينالىق ساقتاندىرۋدىڭ بارلىق قىزمەتٸنە قانشا قاراجات جۇمسالاتىنىن ايتتى, - دەپ حابارلايدى Tengrinews.kz تٸلشٸسٸ.
"مەديتسينالىق ساقتاندىرۋدىڭ بارلىق قىزمەتٸنە جىلىنا 600 ميلليارد تەڭگە قاجەت. بۇل سان حالىق سانى مەن ولاردىڭ مەديتسينالىق كٶمەككە جٷگٸنۋٸنەن شىعىپ وتىر. زاڭ كٷشٸنە ەندٸ, ەندٸ ول بارلىق ادامعا مٸندەتتەلەدٸ: قىزمەتكەرلەر, جەكە كەسٸپكەرلەر, جۇمىسشىلار - بارلىعى اۋدارىم جاساپ وتىرۋى تيٸس", - دەدٸ مينيستر تەلەارناعا بەرگەن سۇحباتىندا.
سونداي-اق, مينيستر قوردا اقشانىڭ جينالاتىنىنا سەنٸمدٸلٸك بٸلدٸردٸ.
"بٸزدە وسى جىلى بٸرٸنشٸ قاراجات رەتٸندە 22 ميلليارد تەڭگەمٸز بار, ال جالپى نەگٸزٸ كەم دەگەندە 57 ميلليارد تەڭگە كەرەك. وسى قاراجات كەلەسٸ جىلى بولۋى مٷمكٸن قاۋٸپ-قاتەرلەردٸ جويۋى كەرەك. مۇنىڭ بارلىعى قوردىڭ قاراجات جاعىنان تۇراقسىزدىعىن قامتاماسىز ەتۋ ماقساتىندا تالاپ ەتٸلٸپ وتىر", - دەدٸ مينيستر.
