«Mindetti áleýmettik meditsinalyq saqtandyrý qory» KEAQ basqarma tóraǵasy bolyp Aibatyr Jumaǵulov taǵaiyndaldy.
«Aibatyr Nyshanbaiuly qarjylyq qurylymdarda mol tájiribe jinaqtaǵan bilikti maman. Ulttyq ekonomika ministrliginde elimiz úshin mańyzy bar jobalarǵa jetekshilik etti. Bul tájiribeniń Meditsinalyq saqtandyrý qorynda paidaǵa asary daýsyz. Qor kepildendirilgen tegin meditsinalyq kómek jáne mindetti áleýmettik meditsinalyq saqtandyrý paketteri sheńberinde kórsetiletin qyzmetterdi strategiialyq satyp alýshy statýsyna ie. Jumystyń ashyq, júieli túrde júrgizilýin qamtamasyz etý qajet. MSQ qarjylyq institýt retinde qanshalyqty tiimdi jumys istese, reformanyń iske asyrylýy da tabysty bolmaq. Bul úlken jaýapkershilik júkteitin qyzmet. Jańa basshynyń bul mindetterdi abyroimen atqaratynyna senimim mol», - dedi Densaýlyq saqtaý ministri Eljan Birtanov.
A.Jumaǵulov ár jyldary QR Indýstriia jáne tehnologiialar ministrliginde, «Báiterek» ulttyq basqarý holdingi» AQ-da eńbek etti. «Baur Kazakhstan» kompaniialar tobynyń Direktorlar keńesiniń múshesi, «Turǵynúiqurylysjinaqbanki» AQ basqarma tóraǵasy boldy. 2017 jyldyń qańtarynan bastap Ulttyq ekonomika vitse-ministri qyzmetin atqardy.
