Mindetti áleýmettik meditsinalyq saqtandyrý júiesi 2020 jyldyń basynda tolyqqandy iske qosylǵan bolatyn. Saqtandyrý júiesine qate nemese artyq tólengen jarnalardy qaitaryp alýǵa bolady. Bul suraqqa «Áleýmettik meditsinalyq saqtandyrý qory» KEAQ Almaty qalalyq filialy jaýap berdi, dep habarlaidy "Ult aqparat".
«Artyq tólengen aqshany qaitaryp alý úshin «Azamattarǵa arnalǵan úkimet» memlekettik korporatsiiasyna «tólemdi qaitarý týraly» ótinish jazý qajet. Tólem jasalǵanyn rastaityn qujattar (standartty anyqtama nemese tólem qujatynyń kóshirmesi) ótinishke qosa jiberiledi. Memlekettik korporatsiia aryzdy kelip túsken kúnnen bastap 5 jumys kúni ishinde tekserip, jarna mólsherin, ósimaqy bar-joǵyn anyqtaidy.
Sodan soń ótinish tólem rekvizitterimen birge Meditsinalyq saqtandyrý qoryna jiberiledi. Qor artyq nemese qate tólengen aqshany jeti operatsiialyq kún ishinde Memlekettik korporatsiianyń esep-shotyna aýdarady. Qarjy qaitarylmaityn bolsa, onyń sebebin túsindiretin málimetterdi joldaidy», - dedi qor filialynan.
Málim etilgendei, qarjy myna jaǵdailarda qaitarylady:
- qate aýdarylǵanda;
- artyq tólengende;
- tólemniń maqsatty kody qate kórsetilse;
- MT 102 formatyndaǵy tólem qujatynda qate ketken jaǵdaida;
- tóleýshiniń rekvizitteri durys kórsetilmese;
- tóleýshi nemese bank qarjyny birneshe ret aýdaryp jiberse.
Aita keteiik, qazirgi tańda saqtandyrý tólemderi jaily málimetti «elektrondy úkimettiń» egov.kz portaly arqyly alýǵa bolady. Ol úshin Elektrondy tsifrlyq qoltańba qajet. Tsifrlyq qoltańbasy bar kez kelgen azamat «jeke kabinetke» kirip, MÁMS tólemderiniń qashan jasalǵanyn bile alady.
