مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ 2020 جىلدىڭ باسىندا تولىققاندى ٸسكە قوسىلعان بولاتىن. ساقتاندىرۋ جٷيەسٸنە قاتە نەمەسە ارتىق تٶلەنگەن جارنالاردى قايتارىپ الۋعا بولادى. بۇل سۇراققا «ەلەۋمەتتٸك مەديتسينالىق ساقتاندىرۋ قورى» كەاق الماتى قالالىق فيليالى جاۋاپ بەردٸ, دەپ حابارلايدى "ۇلت اقپارات".
«ارتىق تٶلەنگەن اقشانى قايتارىپ الۋ ٷشٸن «ازاماتتارعا ارنالعان ٷكٸمەت» مەملەكەتتٸك كورپوراتسيياسىنا «تٶلەمدٸ قايتارۋ تۋرالى» ٶتٸنٸش جازۋ قاجەت. تٶلەم جاسالعانىن راستايتىن قۇجاتتار (ستاندارتتى انىقتاما نەمەسە تٶلەم قۇجاتىنىڭ كٶشٸرمەسٸ) ٶتٸنٸشكە قوسا جٸبەرٸلەدٸ. مەملەكەتتٸك كورپوراتسييا ارىزدى كەلٸپ تٷسكەن كٷننەن باستاپ 5 جۇمىس كٷنٸ ٸشٸندە تەكسەرٸپ, جارنا مٶلشەرٸن, ٶسٸماقى بار-جوعىن انىقتايدى.
سودان سوڭ ٶتٸنٸش تٶلەم رەكۆيزيتتەرٸمەن بٸرگە مەديتسينالىق ساقتاندىرۋ قورىنا جٸبەرٸلەدٸ. قور ارتىق نەمەسە قاتە تٶلەنگەن اقشانى جەتٸ وپەراتسييالىق كٷن ٸشٸندە مەملەكەتتٸك كورپوراتسييانىڭ ەسەپ-شوتىنا اۋدارادى. قارجى قايتارىلمايتىن بولسا, ونىڭ سەبەبٸن تٷسٸندٸرەتٸن مەلٸمەتتەردٸ جولدايدى», - دەدٸ قور فيليالىنان.
مەلٸم ەتٸلگەندەي, قارجى مىنا جاعدايلاردا قايتارىلادى:
- قاتە اۋدارىلعاندا;
- ارتىق تٶلەنگەندە;
- تٶلەمنٸڭ ماقساتتى كودى قاتە كٶرسەتٸلسە;
- مت 102 فورماتىنداعى تٶلەم قۇجاتىندا قاتە كەتكەن جاعدايدا;
- تٶلەۋشٸنٸڭ رەكۆيزيتتەرٸ دۇرىس كٶرسەتٸلمەسە;
- تٶلەۋشٸ نەمەسە بانك قارجىنى بٸرنەشە رەت اۋدارىپ جٸبەرسە.
ايتا كەتەيٸك, قازٸرگٸ تاڭدا ساقتاندىرۋ تٶلەمدەرٸ جايلى مەلٸمەتتٸ «ەلەكتروندى ٷكٸمەتتٸڭ» egov.kz پورتالى ارقىلى الۋعا بولادى. ول ٷشٸن ەلەكتروندى تسيفرلىق قولتاڭبا قاجەت. تسيفرلىق قولتاڭباسى بار كەز كەلگەن ازامات «جەكە كابينەتكە» كٸرٸپ, مەمس تٶلەمدەرٸنٸڭ قاشان جاسالعانىن بٸلە الادى.
