Qazaqstan dárihanalarynda virýsqa qarsy barlyq preparattar jetkilikti, dep habarlaidy QazAqparat.
Bul týraly QR Farmatsevtikalyq qyzmetti qoldaý jəne damytý qaýymdastyǵynyń prezidenti Marina Dýrmanova aityp berdi.
«Paratsetamol, atsiklovir, oksolin maiy sekildi virýsqa qarsy barlyq preparattar dárihanalarda jetkilikti. Kez kelgen virýstyq aýrýdyń aldyn alý úshin jeke gigienany saqtaý qajet jáne oksolin maiy óte jaqsy kómektesedi. Maskalar boiynsha másele týyndaǵanda, Oksolin maiyn satyp alǵan anaǵurlym tiimdi. Odan da basqa aýrýdyń aldyn alatyn preparattar bar jáne barlyǵy dárihanalarda jetkilikti», - dedi spiker Ortalyq kommýnikatsiialar qyzmetinde ótken baspasóz qyzmetinde.
Buǵan deiin dərilik zattar men meditsinalyq buiymdardy saraptaý ulttyq ortalyǵynyń» bas Direktory Arnur Nurtaev elimizdegi meditsinalyq maska jetispeýshiligi máselesin túsindirgen edi.
Aita keteiik, qazirgi ýaqytta álemde COVID-19 virýsyn juqtyrǵandar sany 90 893 adam jáne odan 3110 adam kóz jumdy.
Sońǵy 48 saǵatta Qytaidan tysqary jerde tirkelgen 1848 naýqastyń 80%-y úsh elge tiesili: Iran, Italiia jáne Ońtústik Koreia.
