Densaýlyq saqtaý salasynda biraz reforma júrgizildi. Degenmen onyń jaǵdaiy áli de máz emes. Bul týraly Prezident Qasym-Jomart Toqaev Joldaýynda aitty, dep habarlaidy QazAqparat.
«Elimizdiń basty qundylyǵy – Adam. Bul – aiqyn nárse. Sondyqtan, ulttyq bailyqty teń bólý jáne barshaǵa birdei múmkindik berý – reformanyń basty maqsaty. Ult saýlyǵy jaqsy bolsa ǵana, qoǵam ornyqty damidy. Densaýlyq saqtaý salasynda biraz reforma júrgizildi.
Degenmen, onyń jaǵdaiy áli de máz emes. Árine, jyldar boiy qordalanǵan túitkilder bir mezette sheshilmeidi. Sondyqtan, asa mańyzdy máselelerdi retke keltirýge basa mán bergen jón. Sonyń biri – qarjylandyrý júiesi. Osy salaǵa qarjynyń jetkilikti bólinbeýi qalypty jaǵdaiǵa ainalǵan. Sonyń kesirinen, jurt saqtandyrý júiesine qosylsa da, meditsinalyq qyzmet tolyq kólemde kórsetilmei otyr. Búginde meditsinalyq kómek memleket kepildik bergen jáne saqtandyrý paketi dep ekige bólingen. Ashyǵyn aitsaq, mundai júieniń tiimdiligi tómen», - dedi Memleket basshysy.
