Memleket basshysy Nursultan Nazarbaev halyqqa arnaǵan jyl saiynǵy Joldaýynda meditsina qyzmetkerleriniń jalaqysyn kóterýdi tapsyrdy, dep habarlaidy QazAqparat tilshisi.
«2019 jylǵy 1 qańtardan bastap ýchaskelik meditsina qyzmetkerleriniń jalaqysyn 20 protsentke kóterýdi tapsyramyn. Osy maqsatta kelesi jyly biýdjetten 5 mlrd teńge bólinedi», - dedi N.Nazarbaev.
Aita keteiik, ýchaskelik meditsina qyzmetkerleriniń jalaqysy birtindep kóteriletin bolady. Árbir mamannyń jańa ádis-tásilderdi engizý qabiletine basa nazar aýdarylmaq.
Sondai-aq Prezident jergilikti jerdegi meditsinalyq-sanitarlyq kómekti kúsheitý qajettigin atap ótti.
Budan bólek, Memleket basshysy biylǵy Joldaýynda 2019 jyly «Pedagogtardyń mártebesi» týraly Zań qabyldanatynyn aitty.
.jpeg)