Sheteldikterdiń Qazaqstannyń densaýlyq saqtaý júiesine jáne kórsetiletin meditsinalyq qyzmetterdiń sapasyna qyzyǵýshylyǵy artyp keledi. Byltyr otandyq meditsina uiymdary shamamen 80 myń sheteldik azamatqa qyzmet kórsetti, dep habarlaidy ult.kz.
Qazaqstannyń bul saladaǵy basty artyqshylyǵynyń biri – joǵary deńgeidegi meditsinalyq kómekti qoljetimdi baǵamen usynýy. Búginde elimizde sapa men qaýipsizdikke qoiylatyn halyqaralyq talaptarǵa sáikes keletin meditsinalyq mekemeler tabysty jumys istep jatyr.
Qazirgi tańda Qazaqstandaǵy 10 meditsinalyq uiym densaýlyq saqtaý salasyndaǵy eń bedeldi halyqaralyq standarttardyń biri sanalatyn JCI akkreditatsiiasyna ie.
Osy baǵytty odan ári damytý maqsatynda Týrizm jáne sport ministrligi Densaýlyq saqtaý ministrligimen birlesip, 2026-2028 jyldarǵa arnalǵan meditsinalyq týrizmdi damytý jónindegi jol kartasyn ázirlep jatyr.
Qujatta otandyq meditsinalyq qyzmetterdi sheteldik naryqtarda ilgeriletý, infraqurylymdy damytý, servistik qyzmetterdiń sapasyn arttyrý jáne halyqaralyq yntymaqtastyqty keńeitý boiynsha keshendi sharalar qarastyrylǵan.
Meditsinalyq týrizmdi damytý investitsiia tartýǵa, jańa jumys oryndaryn ashýǵa jáne Qazaqstannyń em alý men saýyqtyrýǵa qolaily, zamanaýi ári básekege qabiletti memleket retindegi halyqaralyq bedelin nyǵaitýǵa yqpal etedi.
