Máskeýdiń №52 emhanasynda koronavirýsqa shaldyqqan naýqasty emdep jatqan meditsina qyzmetkeri. Resei, 17 maýsym, 2021 jyl.
Reseide koronavirýs infektsiiasymen qosa, resmi túrde Covid-pen qatysy joq aýrýlardan qaitys bolǵandar kórsetkishi kúrt artqan. "Mediazona" basylymy Resei statistika agenttiginiń málimetterin saralaý arqyly osyndai qorytyndyǵa keldi. Máselen byltyr bul elde pnevmoniiadan kóz jumǵandar aldyńǵy jylmen salystyrǵanda 140 paiyzǵa ósken. "Kárilikten" qaitys bolǵandar 20 paiyzǵa, al júrek-qantamyr aýrýlarynan ólgender 10 paiyzǵa kóbeigen. Zertteý avtorlarynyń aitýynsha, bul adamdardyń kóbi shyn máninde koronavirýstan kóz jumǵan bolýy múmkin.
Covid juqtyrǵan jaǵdaida kúrt qozatyn sozylmaly aýrýlardan da ólim kóbeigen. Máselent qant diabetinen kóz jumǵandar 25 paiyzǵa, al ortalyq júike júiesi dertinen qaitys bolǵandar 20,9 paiyzǵa artqan.
2020 jyly Reseide ortasha kórsetkishten 400 myńǵa kóp ólim tirkelgen. Munyń jartysynan azy ǵana pandemiia kesirinen dep kórsetildi. Kei aimaqtarda ókpe aýrýynan qaitqandar sany eselep artqan. Kisi ólimi kóp tirkelgen aimaqtar qatarynda Bashqurtstan, Sheshenstan jáne Soltústik Osetiia bar.
Máselen Sheshenstanda tynys alý organdary dertinen qaitys bolǵandar sany 674 paiyzǵa artqan (2019 jyly 168 adam bolsa, byltyr 1300 adam kóz jumǵan), Soltústik Osetiiada – 300 paiyzǵa (2019-da 230, 2020 jyly – 928 adam), Samara oblysynda – 202 paiyz (2151 - 713).
- Sońǵy kúnderi Resei astanasy men onyń mańaiynda koronavirýs juqtyrǵandar kúrt kóbeidi. Kei aqparat quraldarynyń habarlaýynsha Máskeýde 20 maýsymnan bastap qaita lokdaýn engizý máselesi qaralyp jatyr.
- 16 maýsymda Máskeý qalasy men oblysynyń basshylary qyzmet kórsetý, bilim, transport salasy ókilderi men memlekettik qyzmetkerlerdiń 60 paiyzyna koronavirýsqa qarsy ekpeni mindettep salý týraly sheshim shyǵardy.
