مەسكەۋدٸڭ №52 ەمحاناسىندا كوروناۆيرۋسقا شالدىققان ناۋقاستى ەمدەپ جاتقان مەديتسينا قىزمەتكەرٸ. رەسەي, 17 ماۋسىم, 2021 جىل.
رەسەيدە كوروناۆيرۋس ينفەكتسيياسىمەن قوسا, رەسمي تٷردە Covid-پەن قاتىسى جوق اۋرۋلاردان قايتىس بولعاندار كٶرسەتكٸشٸ كٷرت ارتقان. "مەديازونا" باسىلىمى رەسەي ستاتيستيكا اگەنتتٸگٸنٸڭ مەلٸمەتتەرٸن سارالاۋ ارقىلى وسىنداي قورىتىندىعا كەلدٸ. مەسەلەن بىلتىر بۇل ەلدە پنەۆمونييادان كٶز جۇمعاندار الدىڭعى جىلمەن سالىستىرعاندا 140 پايىزعا ٶسكەن. "كەرٸلٸكتەن" قايتىس بولعاندار 20 پايىزعا, ال جٷرەك-قانتامىر اۋرۋلارىنان ٶلگەندەر 10 پايىزعا كٶبەيگەن. زەرتتەۋ اۆتورلارىنىڭ ايتۋىنشا, بۇل ادامداردىڭ كٶبٸ شىن مەنٸندە كوروناۆيرۋستان كٶز جۇمعان بولۋى مٷمكٸن.
Covid جۇقتىرعان جاعدايدا كٷرت قوزاتىن سوزىلمالى اۋرۋلاردان دا ٶلٸم كٶبەيگەن. مەسەلەنت قانت ديابەتٸنەن كٶز جۇمعاندار 25 پايىزعا, ال ورتالىق جٷيكە جٷيەسٸ دەرتٸنەن قايتىس بولعاندار 20,9 پايىزعا ارتقان.
2020 جىلى رەسەيدە ورتاشا كٶرسەتكٸشتەن 400 مىڭعا كٶپ ٶلٸم تٸركەلگەن. مۇنىڭ جارتىسىنان ازى عانا پاندەمييا كەسٸرٸنەن دەپ كٶرسەتٸلدٸ. كەي ايماقتاردا ٶكپە اۋرۋىنان قايتقاندار سانى ەسەلەپ ارتقان. كٸسٸ ٶلٸمٸ كٶپ تٸركەلگەن ايماقتار قاتارىندا باشقۇرتستان, شەشەنستان جەنە سولتٷستٸك وسەتييا بار.
مەسەلەن شەشەنستاندا تىنىس الۋ ورگاندارى دەرتٸنەن قايتىس بولعاندار سانى 674 پايىزعا ارتقان (2019 جىلى 168 ادام بولسا, بىلتىر 1300 ادام كٶز جۇمعان), سولتٷستٸك وسەتييادا – 300 پايىزعا (2019-دا 230, 2020 جىلى – 928 ادام), سامارا وبلىسىندا – 202 پايىز (2151 - 713).
- سوڭعى كٷندەرٸ رەسەي استاناسى مەن ونىڭ ماڭايىندا كوروناۆيرۋس جۇقتىرعاندار كٷرت كٶبەيدٸ. كەي اقپارات قۇرالدارىنىڭ حابارلاۋىنشا مەسكەۋدە 20 ماۋسىمنان باستاپ قايتا لوكداۋن ەنگٸزۋ مەسەلەسٸ قارالىپ جاتىر.
- 16 ماۋسىمدا مەسكەۋ قالاسى مەن وبلىسىنىڭ باسشىلارى قىزمەت كٶرسەتۋ, بٸلٸم, ترانسپورت سالاسى ٶكٸلدەرٸ مەن مەملەكەتتٸك قىزمەتكەرلەردٸڭ 60 پايىزىنا كوروناۆيرۋسقا قارسى ەكپەنٸ مٸندەتتەپ سالۋ تۋرالى شەشٸم شىعاردى.
