QR Mádeniet jáne sport ministrligi 10 səýirden bastap 6-18 jas aralyǵynda #onerli.oren heshtegimen ótkiziletin «Ónerli óren» respýblikalyq baiqaýy bastalǵanyn jariialady, dep habarlaidy "Ult aqparat".
Atalǵan baiqaý - vokal (dástúrli, estradalyq, akademiialyq), mýzykalyq aspapta oinaý (ishekti, perneli, urmaly, úrmeli aspaptar boiynsha), kórkemsóz (óleń oqý sheberleri), beineleý jəne qoldanbaly óner janrlary boiynsha ótedi.
Baiqaýǵa qatysýshylardyń jasy: 6 men 18 jas aralyǵy. Ónerpazdar jas shamasyna qarai 6-9 jas - kishi top, 10-13 jas - orta top, 14-18 jas - úlken top bolyp úshke bólinedi.
Baiqaýǵa qatysý úshin sapaly túsirilgen beinejazba men qatysýshy týraly tolyq aqparatty onerli.oren@mail.ru, Onerli.Oren@gmail.com elektrondy poshtasyna joldaý qajet. Baiqaýǵa qatysýshy shyǵarmasyn jandy daýysta oryndaýy kerek.
Ár janrdan 10 qatysýshydan toptalyp baq synaidy.
Túngi 00:00-de bir janr, bir jas shamasyndaǵy 10 balanyń beinejazbasy @onerli.oren Instagram-paraqshasyna #onerli.oren heshtegimen jáne Onerli.Oren YouTube-kanalynda jariialanady.
Daýys berý - like arqyly tek Instagram- paraqshasynda júrgiziledi. Bir laik - bir daýys.
Daýys berý ár janrdan 10 qatysýshynyń beinejazbasy jariialaǵan sátten bastap, 3 táýlik boiy ashyq qabyldanady, 3-shi kúni 23:00-de daýys berý toqtatylady.
Jeńimpazdar 23:30-da paraqshada jariialanyp otyrady. Qatysýshynyń beinejazbasy paraqshada saqtalyp tura beredi. Odan ári qarai jinalǵan daýystar men jazylǵan pikirlerdiń baiqaýǵa qatysy bolmaidy.
Daýys berý qatań súzgiden ótetin bolǵandyqtan, baǵdarlamalar (bot) arqyly berilgen daýys eseptelinbeidi.
Birdei daýys jinaǵan ónerpazdar bolǵan jaǵdaida, birdei eki oryn beriledi. Ár kúngi qatysýshylar arasyndaǵy júlde: Bas júlde, 1-oryn, 2-oryn, 3-oryn.
Júldegerlerge QR Mádeniet jáne sport ministrliginiń laýreattyq diplomy beriledi. Diplom elektrondy túrde kórsetilgen poshtaǵa jiberiledi. Oryn almaǵan qatysýshylarǵa «Qatysqany úshin» diplomy beriledi.
Baiqaý janrlary aldyn ala jinalǵan beinejazbalardyń sanyna qarai júredi.
Baiqaý sońynda Bas júlde alǵan qatysýshylar týraly tolyq aqparat paraqshada jariialanady.
