Soltústik Qazaqstan oblysynda qyzmettik mindetin atqaryp júrgen jedel járdem medbikesine kúsh qoldanǵan turǵynǵa qatysty sot úkimi shyqty. Bul týraly oblystyq sottyń baspasóz qyzmeti habarlady, dep habarlaidy ult.kz.
Isti Shal aqyn aýdanynyń aýdanaralyq soty qarady. Aiyptalýshyǵa Qazaqstan Respýblikasy Qylmystyq kodeksiniń 380-3-babynyń 3-bóligimen – qyzmettik mindetterin atqarý kezinde meditsina qyzmetkerine qatysty zorlyq-zombylyq qoldandy degen aiyp taǵyldy.
Sot materialdaryna sáikes, oqiǵa 2026 jylǵy 23 maýsymda Shal aqyn aýdanynyń Uzynjar aýyly mańynda bolǵan. Mas kúide bolǵan sottalýshy qyzmettik mindetin atqaryp júrgen meditsina qyzmetkerine shabýyl jasap, ony oń jaq qaptalynan jáne ish tusynan tepken. Sondai-aq jábirlenýshiniń eki bileginen qatty ustap, dene jaraqatyn salyp, fizikalyq aýyrsyný keltirgen.
Aiyptalýshynyń zańsyz áreketi oqiǵa ornyna kelgen politsiia qyzmetkerleriniń aralasýymen toqtatyldy.
Sot barysynda onyń kinási qylmystyq is materialdarymen, jinalǵan dáleldemelermen jáne óziniń kinásin moiyndaǵan jaýabymen tolyq dáleldendi.
Sot úkimimen er adam Qylmystyq kodekstiń 380-3-babynyń 3-bóligi boiynsha kináli dep tanylyp, 1 jyl 6 ai merzimge bas bostandyǵynan aiyryldy. Jazasyn ol qylmystyq-atqarý júiesiniń qaýipsizdigi barynsha tómen mekemesinde óteidi.
Úkim ázirge zańdy kúshine engen joq.
