Meiirim men jan jylýy, tózimi men isine beriktigi arqyly naýqastyń keselinen aiyǵýyna úlken yqpal tigizetin jan – medbike. Jaýapkershiligi joǵary jumysty abyroimen alyp júrgenderdiń biri – qostanailyq medbike Áliia Ótegenova.
Áliia Amantaiqyzy meditsina salasynda jiyrma segiz jyldan beri úzdiksiz eńbek etip keledi. Qazir oblystyq densaýlyq saqtaý basqarmasynyń Qostanai qalasy №1 emhanasynda aǵa meiirbike bolyp jumys isteidi. Ol dáriger bolýdy bala kezinen armandaǵan.
«Mektep qabyrǵasynda-aq bolashaq mamandyǵymyzdy maqtan etetinbiz. Dáriger bolýdy abyroi emes, halyqqa kómektesý dep túsindim. Nege medbike jolyna tústim? Negizi meditsina salasynda «erliktiń kóbin meiirbikeler jasaidy» degen támsil bar. Medbikeler naýqastyń kútim protsesine tolyǵymen jaýapty, sol úshin de basty mindeti – meiirim kórsetý. Biz emdelýshige tolyq kútim qamtamasyz etý úshin kásibi psihologiialyq jáne rýhani qasietterimizdi iske qosamyz. Aýyryp kelgen adamdardy shyn kóńilimmen, meiirimdi júrekpen qarsy alamyn. Adam eńbeginen qýanysh taba bilse, boiyna jańa kúsh qosylady. Osyndai zor shabytpen jasap júrgen qyzmetim meni biikke jetkizip otyr», - deidi medbike.
Áliia Ótegenova qyzmet etetin qalalyq emhana zamanaýi jabdyqtarmen qamtamasyz etilgen. Bas dáriger Qasymhan Mirjaqypovtyń bastamasymen túrli qoǵamdyq is-sharalarǵa da qatysyp turady.
«Eńbek etip jatqan ujymymdy ekinshi otbasym dep sanaimyn. Tatý, yntymaǵy jarasqan naǵyz sheberler jáne belsendi áriptesterimniń ortasynda qyzmet atqarýdamyn. Qandai qiyn otalarda, naýqastardyń jany aýyrǵan sátte bir judyryqtai jumyla ketemiz. Odan qaldy, kez kelgen merekelik is-sharalarda belsendilik tanytyp, birlik kórsetemiz. Eńbegim eleýsiz qalmaidy. Basshylyq jaǵynan marapattarym bar. Osynaý 28 jylǵy qyzmette túsingenim – adaldyq abyroiǵa jetkizedi. Elime adal qyzmet jasaýdan jalyqpaimyn. Meniń oiymsha, meiirbikeler únemi izdenis ústinde bolý kerek. Zaman aǵymy ózgerip otyrady. Tipti, adamdardyń túrli minezine qarai yńǵai tanytyp, tóze bilýdi óner der edim. Aq halatty abzal jan bolý – men úshin úlken maqtanysh» - deidi Áliia Amantaiqyzy.
Medbikeler únemi jumys barysynda júredi. Áliia Ótegenova qoly qalt ete qalsa, balalarynyń janynda bolýǵa tyrysady. Ómirlik jary Asqar janynan tabylady, jumysynyń qaýyrt ekenin túsinedi.
«Úlken qyzym turmysta, Darina atty nemeremiz bar. Ortanshy qyzym - birinshi kýrs stýdenti, Almaty qalasynda oqidy. Al kenjemiz – Arlan mektepaldy daiarlyq synybynda oqidy. Men otbasymnyń baqyty úshin, ujymymnyń birligi, halyqtyń saýlyǵy úshin qoldan kelgenin aiamaimyn», - dep túidi medbike.
Rasymen de, qarapaiym ǵana jumys bolyp kóringenimen, medbikeler atqaratyn jumys asqan jaýapkershilikti qajet etedi.
