QR Bilim jáne ǵylym ministrligi jańa oqý jyly qarsańynda mektepterdi oqýlyqpen qamtý jóninde esep berdi, dep habarlaidy "Ult aqparat" ministrliktiń baspasóz qyzmetine silteme jasap.
Respýblika boiynsha 2018-2019 oqý jylynda jańartylǵan oqý mazmunyna kóshetin 3,6 jáne 8 synyptar úshin 12 mln-nan astam oqýlyq satyp alyndy. Bul synyptarda elimizde biyl 960 myń bala oqidy.
«Baspalarǵa oqýlyqtardyń pishimi men salmaǵy boiynsha barlyq talaptardy saqtai otyryp, sapaly deńgeide shyǵarý júktelgen. Ótken jyldarmen salystyrǵanda oqýlyqtarǵa QR-kodtar engizilip, olardyń elektrondyq nusqasyn paidalaný múmkindigi berilip otyr», - delingen QR BǴM baspasóz qyzmetiniń málimdemesinde.
Ázirge orta eseppen respýblika boiynsha oqýlyqtardyń 98,2 protsenti jóneltildi jáne óńirlerge oqýlyqtar men oqý-ádistemelik keshenderdiń 92,5 protsenti jetkizilgen.
Jambyl, Túrkistan, Batys Qazaqstan, Qaraǵandy, Soltústik Qazaqstan oblystary men Shymkent qalasyna oqýlyqtar 100% jiberilgen.
«Birqatar óńirlerde tasymaldaýshylardyń óz mindetterin oryndamaýyna bailanysty oqýlyq jetkizýge kedergi keltiretin qaýipter bar. Sol sebepti, Aqmola oblysynyń 6 aýdany, Qostanai oblysynyń 3 aýdany, ShQO 2 aýdany jáne Qyzylorda oblysynyń 1 aýdany oqý ádebietterin jetkizýdi ózderi uiymdastyrýǵa májbúr. Qostanai oblysynyń Naýryzym aýdany «Qazposhta» AQ kelisimshartty qaitadan jasasty», - dep jazdy ministrliktiń baspasóz qyzmeti.
.jpeg)