Parlament Májilisiniń jalpy otyrysynda «Jer qoinaýy jáne jer qoinaýyn paidalaný týraly» QR Kodeksine ýran óndirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy "Ult aqparat".
Májilistiń Ekologiia máseleleri jáne tabiǵatty paidalaný komitetiniń málimetinshe, zań jobasy «Jer qoinaýy jáne jer qoinaýyn paidalaný týraly» Qazaqstan Respýblikasynyń Kodeksin quqyqtyq qoldaný barysynda týyndaǵan olqylyqtardy joiýǵa baǵyttalǵan.
Zań jobasynda:
- ýran óndirý kezeńin uzartý rásimin jetildirý;
- jer qoinaýyn paidalanýshylarǵa ýran óndirý kezeńinde geologiialyq qurylymdardy jáne ýran ken orny qorlaryn naqtylaý maqsatynda óndirý ýchaskesin jete zertteýdi (jete barlaýdy) júrgizý múmkindigin berý;
- ýran óndirýdiń tájiribelik-ónerkásiptik jobalaryna qoiylatyn talaptar;
- ýran óndirý salasyndaǵy jobalaý qujattaryna memlekettik saraptama júrgizý tetigin aiqyndaý kózdelgen.
Zań jobasymen jumys isteý barysynda jumys tobynyń músheleri:
- jobalaý qujattaryna jáne igerý taldaýlaryna táýelsiz saraptama uiymdastyrý jáne júrgizý shyǵyndaryn óteýge;
- ýran ken orny qorlary kóleminiń ósimi bastapqy kólemnen 30 jáne odan da kóp paiyzǵa artqan jaǵdaida, jer qoinaýyn paidalanýshynyń óńirdiń áleýmettik-ekonomikalyq damýyna baǵyttalǵan jobany iske asyrý jónindegi qosymsha mindettemelerine qatysty túzetýler engizdi.
