Ulttyq ekonomika ministrligi «Qazaqstan Respýblikasyndaǵy sailaý týraly» Konstitýtsiialyq zańǵa 67 túzetý usynyp otyr, dep habarlaidy QazAqparat.
Ulttyq ekonomika ministrligi Májiliske «Qazaqstan Respýblikasyndaǵy sailaý týraly» Konstitýtsiialyq zańǵa engiziletin túzetýlerdi tanystyrdy. Vitse-ministr Álisher Ábdiqadyrovtyń aitýynsha, zań jobasy 67 túzetýden turady. Sonyń ishinde aýyl ákimi laýazymyna kandidattarǵa qoiylatyn negizgi talap – jasy 25-ten asqan Qazaqstan Respýblikasynyń azamaty, ári sottalmaǵan bolýy kerek. Al biliktilik talaptaryna sáikestigin arnaiy tekserý anyqtaidy.
«Zań jobasy boiynsha aýyl ákimine úmitkerdi mynadai tásilder arqyly usynýǵa bolady: saiasi partiialar óz músheleriniń arasynan usynady nemese óz-ózin usyný jolymen. Ózin-ózi usyný úshin tiisti okrýgtegi sailaýshylardyń jalpy sanynyń kem degende 1 paiyzynyń qolyn jinaý kerek», - dedi Álisher Ábdiqadirov.
Ministrdiń orynbasary aýyl ákimderiniń sailaýyn 40 kún buryn jariialaýdy usyndy.
«Sailaýdyń ózi is basyndaǵy ákimniń ókileti aiaqtalǵanǵa 10 kún qalǵanda ótýi tiis. Kandidattardy tirkeý sailaý jariialanǵan kúnniń erteńinde bastalyp, sailaý kúnine 15 kún qalǵanda aiaqtalady. Iaǵni, úmitker usyný merzimi 14 kúnge deiin jalǵasady. Osy ýaqyt ishinde úmitker tirkelýge qajetti qujattardy jinap úlgerýi tiis. Kandidattardy tirkeý sailaý kúnine 10 kún qalǵanda aiaqtalady. Bul kezeńde aýmaqtyq sailaý komissiiasy usynylǵan qujattardyń rastyǵyn tekseredi.», - dedi vitse-ministr.
Zań jobasynda úmitkerlerge úgit-nasihat jumystary úshin kún kún ýaqyt berý kózdelipti.
«Sailaý aldyndaǵy sońǵy 10 kúndikte úgit-nasihat jumystary júrgizilip, tirkelgen úmitkerler týraly aqparattar BAQ-ta jariialanady. Sailaý ótkiziligennen keiin 3 kún ishinde qorytyndysy shyǵarylady. 7 kúnniń ishinde sailanǵan ákimdi tirkeý júzege asady», - dedi vodemstvo ókili.
