Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine oiyn biznesi máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
Zań jobasy Qazaqstan Respýblikasynyń oiyn biznesi salasyndaǵy qoldanystaǵy zańnamasynyń normalaryndaǵy olqylyqtardy joiý, sondai-aq zańnamalyq shekteýlerdi ainalyp ótýge múmkindik beretin erejelerdi alyp tastaý jolymen jetildirý maqsatynda ázirlendi. Qujat býkmekerlik keńseler men totalizatorlardyń qyzmetin retteý men baqylaýdy jetildirýge, qumar oiyndar men bás tigýge tartylatyn jáne táýeldi azamattardyń sanyn qysqartýǵa baǵyttalǵan.
«Zań jobasynyń jumysyna múddeli memlekettik organdardyń ókilderi jáne ministrlikte qurylǵan jumys toby aiasyndaǵy qoǵamdyq uiymdardan sarapshylar qatysty. «Oiyn biznesi týraly» zańda: qumar oiyndar men bás tigýge qatysýdan ózin-ózi shekteý tetigi engiziledi.
Ýákiletti memlekettik organdardy býkmekerlik keńseler men oiynshylardyń arasyndaǵy aqsha operatsiialary týraly tolyq jáne durys aqparatpen qamtamasyz etý úshin, sondai-aq bás tigýge qatysýdan shekteý tetigin iske asyrý úshin stavkalardy esepke alý ortalyǵyn qurý kózdeledi», - dedi Mədeniet jəne sport ministri Aqtoty Raiymqulova.
Bul rette stavkalardy esepke alý ortalyǵynda býkmekerlik keńsege qolma-qol nemese elektrondyq tólem júieleri arqyly túsetin barlyq tólemder eskerilýi tiis.
Býkmekerlik keńseler men totalizatorlarǵa túsetin barlyq tólemderdiń biryńǵai esebi kóleńkeli ainalymdy boldyrmaýǵa, salyqtardyń jinalýyn arttyrýǵa, baqylaýdy jeńildetýge múmkindik beredi.
Budan bólek, Qazaqstanda býkmekerlik keńseler tek sporttyq oqiǵalarǵa stavkalar qabyldaýǵa mindetteledi.
«Oqiǵanyń nátijesindegi ashyqtyqty jáne oiynshylardyń quqyqtaryn qamtamasyz etý maqsatynda býkmekerlik keńselerge tek sporttyq oqiǵalarǵa stavkalar qabyldaý mindetin belgileý usynylady», - dedi vedomstvo basshysy.
Aita keteiik, Parlament Májilisinde zań jobasy jumys tobynyń 12 otyrysynda talqylandy, onda depýtattar 150-den astam túzetýler engizip, onyń mazmunyn jaqsartty.
«Zań jobasyn qabyldaý zańnamadaǵy olqylyqtardy joiýǵa, qumar oiyndar men bás tigýge qatysýshylardyń quqyqtarynyń kepildigin qamtamasyz etýge, sondai-aq biýdjetke túsetin túsimderdi arttyrýǵa múmkindik beredi», - dep naqtylady ministr.
