Búgin Májiliste «Ónerkásiptik saiasat týraly» zań jobasy men oǵan ilespe qujat tanystyryldy, dep habarlaidy "Ult aqparat".
Zań jobalary Memleket basshysynyń 2020 jylǵy 1 qyrkúiektegi Qazaqstan halqyna Joldaýyn iske asyrý jónindegi Jalpyulttyq is-sharalar josparynyń 12-tarmaǵyn oryndaý maqsatynda ázirlendi. Zań jobasynyń maqsaty - qazirgi zamanǵy ónimdiligi joǵary, básekege qabiletti, eksportqa baǵdarlanǵan ónerkásipti jedel damytý arqyly ulttyq ekonomikanyń básekege qabilettiligin arttyrý.
Zań jobasy negizgi mindetter retinde mynany aiqyndaidy:
1) qolaily indýstriialyq ortany qamtamasyz etý;
2) básekege qabiletti óndiristerdi damytý;
3) innovatsiialardy tiimdi engizý;
4) ónerkásipte el ishindegi qundylyqty damytý;
5) ónerkásip salasyndaǵy qyzmet sýbektileriniń investitsiialyq tartymdylyǵyn jáne eksporttyq áleýetin arttyrý.
QR Indýstriia jáne infraqurylymdyq damý vitse-ministri Amaniiaz Erjanovtyń aitýynsha, «Ónerkásiptik saiasat týraly» zań jobasynyń sipattamasy bes bólimnen turady.
«Tiimdi zańnamalyq retteý maqsatynda 1-bólimde ónerkásiptik damýdy qamtamasyz etý úshin 26 uǵym men anyqtama kózdeledi. Olardyń ishinde ónerkásip, ónerkásiptik saiasat, ónerkásip salasyndaǵy sýbektiler, el ishindegi qundylyq, óńdeý ónerkásibi, ónerkásiptik ónim jáne basqa da túiindi máseleler bar. Zań jobasyndaǵy jańashyldyqtyń biri - indýstriialyq klimat uǵymyn engiziledi. Onyń aiasynda ekonomikalyq, ákimshilik, quqyqtyq, institýtsionaldyq jáne ózge de básekege qabiletti óndiristerdi qurý jáne keńeitý jónindegi jaǵdailar men derekter baǵalanady», - dedi vitse-ministr.
Onyń sózine qaraǵanda, indýstriialyq klimattyń jai-kúiine monitoringti QR Indýstriia jáne infraqurylymdyq damý ministrligi júzege asyrady. Onyń nátijeleri bolashaqta ónerkásiptik saiasatty qalyptastyrý kezinde eskeriledi. Monitoring negizinde basqarýshylyq sheshimder qabyldanyp, memlekettik organdar jumysynyń tiimdiligi baǵalanady.
