Parlament Májilisiniń jalpy otyrysynda «Ólim jazasynyń kúshin joiýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi Fakýltativtik hattamany ratifikatsiialaý týraly» zań jobasy maquldandy, dep habarlaidy "Ult aqparat".
QR Syrtqy ister ministri Muhtar Tileýberdi Qazaqstan Respýblikasynyń zańnamasyna sáikes ekinshi Fakýltativtik hattamanyń QR Parlamenti tarapynan mindetti ratifikatsiialaýǵa jatatynyn atap ótti.
«Osy halyqaralyq qujatqa sáikes, qol qoiýshy elder ólim jazasyn qoldanbaý, óz iýrisdiktsiiasy aiasynda ólim jazasynyń kúshin joiý úshin barlyq qajetti sharalardy oryndaý mindettemesin qabyldaidy, - dedi ministr.
Onyń aitýynsha, Qazaqstan konventsiiamen qarastyrylǵan ólim jazasyn qoldanýdy kózdeitin jalǵyz eskerpe jasaý múmkindigin paidalanýǵa nietti. Iaǵni, Qazaqstan ekinshi Fakýltativtik hattamanyń 2-babyna sáikes, soǵys ýaqytynda jasalǵan áskeri asa aýyr sipattaǵy qylmystar úshin kináli dep tanylǵannan keiin, soǵys ýaqytynda ólim jazasyn qoldaný quqyǵyn ózine qaldyrady.
«Ólim jazasyn alyp tastaý máselesi tek zańdy ǵana emes, sonymen birge moraldi-etikalyq ólshemge ie ekenin túsinemiz. Osy máseleniń sezimtaldyǵyn eskere otyryp, Úkimet reglamentine sai qazaqstandyq qoǵamnyń pikirin zerdeleýdi eskere otyryp, kelisýdiń barlyq qajetti rásimderi júzege asyryldy. 2003 jyly ólim jazasyn qoldanýǵa moratorii engizilgennen keiin, bizdiń elde joǵary jaza sharasyn qoldanbaýynyń turaqty quqyqtyq rejimi qalyptasqanyn atap ótkim keledi. Bul qadam elimizdiń halyqaralyq arenadaǵy bedelin arttyratynyna kámil senemiz», - dedi Muhtar Tileýberdi.
Eske salaiyq, 23 qyrkúiekte Birikken Ulttar Uiymynyń shtab-páterinde Qazaqstannyń BUU janyndaǵy Turaqty ókili Qairat Omarov ólim jazasyn joiýǵa baǵyttalǵan Azamattyq jáne saiasi quqyqtar týraly halyqaralyq paktiniń ekinshi Fakýltativtik hattamasyna qol qoidy. Sol kúni ólim jazasyn joiý týraly halyqaralyq Hattamaǵa qosylý týraly sheshimdi Qazaqstan Prezidenti Qasym-Jomart Toqaev BUU Bas Assambleiasynyń 75-shi mereitoilyq sessiiasynyń jalpy saiasi pikirtalas barasynda sóilegen sózinde jariialady. Keiinnen QR Syrtqy ister ministrliginiń baspasóz qyzmeti Qazaqstannyń atalmysh halyqaralyq paktige qosylýyna qatysty túsinikteme berdi.
