Búgin Májilis spikeri Nurlan Nyǵmatýlinniń tóraǵalyǵymen Palatanyń Biýro otyrysy ótip, onda aldaǵy jalpy otyrystyń kún tártibi naqtylandy, dep haarlaidy "Ult aqparat".
Depýtattar birinshi oqylymda ekonomikalyq ósýdi qalpyna keltirý máselelerine qatysty zań jobasyn talqylaidy.
Zań jobasy qoldanystaǵy zańnamany jetildirýge baǵyttalǵan jáne ony qabyldaý COVID-19 pandemiiasynan zardap shekken ekonomika salalaryn damytýdy yntalandyrýǵa múmkindik beredi.
Sonymen qatar birinshi oqylymda depýtattarǵa qoǵamdyq keńesterdiń qyzmetine qatysty zańnamalyq túzetýler jobasyn da qaraý usynylady.
Zań jobasynda qoǵamdyq keńesterdiń ońtaily modelin qalyptastyrý usynylyp, olardyń uiymdastyrýshylyq tiimdiligin, demokratiialylyǵyn, jariialylyǵyn, ashyqtyǵyn qamtamasyz etpek.
Sondai-aq, aldaǵy jalpy otyrysta Eýraziialyq ekonomikalyq odaqqa múshe memleketterdiń eńbekshilerin zeinetaqymen qamsyzdandyrý týraly kelisimdi ratifikatsiialaý týraly zań jobasy usynylady.
Kún tártibiniń jobasynda Palatanyń beiindi komitetterine birqatar jańa ratifikatsiialyq zań jobasyn jumysqa alý kózdeledi. Olar: EAEO týraly sharttarǵa (Eýraziialyq ekonomikalyq odaqtyń ortaq elektr energetikalyq naryǵyn qalyptastyrý bóliginde) ózgerister engizý týraly hattamany jáne osy shartqa Armeniia men Qyrǵyz Respýblikalarynyń qosylýyna bailanysty ózgerister engizý týraly hattamalardy ratifikatsiialaý týraly zań jobalary.
