Foto: Májilis baspasóz qyzmetinen
Búgin Parlament Májilisi otyrysynda depýtattar zań jobasyn talqytap jatqan, olar elde telearnalar men áleýmettik jelilerde beiádep sózder qoldanylatyny týraly aityp, shaǵymdanyp jatty. Sol kezde májilismen Rinat Zaiytov tyiym salamyz dep, ulttyq folklorymyzdan aiyrylyp qalyp júrmeiik degen pikir aitty. Bul týraly Ult.kz habarlaidy.
“Kórkem shyǵarma degen bolady. Qazir sizder qyzdy-qyzdymen anany toqtatý kerek, mynany toqtatý kerek dep... Kelisemin boǵaýyz sóz aitýǵa bolmaidy, biraq erteń "men jasymda jigitter, toptan astym, bir túnde segiz qyzdy alyp qashtym" dep án aitqandardy sottap júrmeimiz be? "Eger meni shyn súiseń asyl erkem, erteń keshke daiyn tur qashý ońai" degen halyq áni bar ekenin esterińizge sala keteiin. Sondyqtan, Qanat Jumabaiuly bundai zańdy kim jasaidy? Quzyreti bar adamdar ma? Tanimyz ba biz olardy? Bilemiz be? Ekinshi, kórkem shyǵarmalardy qalai qorǵaisyzdar? Ne bolmasa, onyń aiyrmasy bar ma osy zańnyń aiasynda? Erteń folklorymyzdan aiyrylyp qalyp júrmeiik Aqseleý marqumnyń beipil sózderin oqi almai”, - dedi Zaiytov.
Rinat Zaiytovtyń sózine Májilis spikeri Erdan Qoshanov: “Ondai ánderdi aitý úshin Imanjúsip bolý kerek qoi”, - dep mysqyldady. Sebebi Rinat Zaiytov keltirgen “segiz qyzdy alyp qashtym” degen óleń joldary aqyn, sal-seri Imanjúsip Qutpanulynyń óleńinen úzindi.
“Jazalaýdan qudai saqtasyn!”
Depýtattyń suraǵyna jaýap bergen Mádeniet jáne aqparat vitse-ministri Qanat Ysqaqov eń aldymen Konstitýtsiia boiynsha tsenzýraǵa tyiym salynǵanyn eske saldy.
“Ekinshiden shyǵarmashylyq bostandyq zańǵa qarama qaishylyq bolmasa, biz qoldaimyz, quptaimyz. Saraptama ótkizetin quqyq qorǵaý organdary emes, shyǵarmashylyq ishki komissiialar. Jańa siz aitqan alyp qashý degendi árine qaraimyz. Siýjet bar. Siýjette men seni alyp qashyp ketemin dese, qyz bala kelisetin bolsa, óziniń siýjeti bar ǵoi. Álbette biz ony qaraimyz. Eshqandai jazalaý degen joq. Tek egerde zańǵa qarama qaishy bolsa, rejisserlyq tobyna túzetý týraly másele aitamyz. Siýjetti burmalaý emes, tek qana túzetý týraly aitamyz. Tek bizdiń ideologiiaǵa qarsy shyqpaý, qoldaý retinde ǵana. Ony jazalaýdan qudai saqtasyn! Sottaý degen áńgime joq”, - dedi vitse-ministr.
