Parlamet Májilisiniń jalpy otyrysynda depýtat Sergei Reshetnikov avtomobil joldaryndaǵy qaýipsizdikti qamtamasyz etý máselesin kóterdi. Osyǵan orai «Qazaqstan Halyq partiiasy» fraktsiiasynyń depýtattyq saýalyn joldady, dep habarlaidy "Ult aqparat".
«Tek osy jyldyń naýryz aiynyń basynda birneshe jol-kólik oqiǵasy boldy. Onyń ishinde kisi ólimimen aiaqtalǵandar bar. 2020 jyldyń 12 aiynda jol apatynan 1 997 adam qaza tapty, onyń ishinde 184-i kámeletke tolmaǵan. Bul tsifrlar eldegi koronovirýs shyǵyndarymen salystyrǵanda birdei», - dedi depýtat.
Onyń aitýyna qaraǵanda, DDSU málimetteri boiynsha jol-kólik apaty kórsetkishi turǵysynda eń jaqsy elderde 100 myń turǵynǵa úsh ólimnen, al eń nashar elderde 100 myń turǵynǵa 40-qa jýyq ólimnen kelip otyr. Shvetsiiada júzege asyrylǵan, joldardaǵy ólim-jitimge «nóldik tózimdilik» qaǵidatyn qalyptastyrǵan «Vision Zero» strategiiasy Eýropadaǵy jol-kólik oqiǵalarynan bolatyn ólim-jitimniń eń tómen kórsetkishterine qol jetkizýge múmkindik berdi.
Qazirgi ýaqytta Qazaqstandaǵy ólim-jitim kórsetkishi 100 myń adamǵa shaqqanda shamamen 10,5 adamnan keledi. Jol oqiǵalarynyń negizgi bóligi eldi mekenderde oryn alýda.
«Halyqaralyq sarapshylardyń usynymy boiynsha qozǵalys jyldamdyǵynyń orta eseppen 5 paiyzǵa tómendeýi ólimmen aiaqtalǵan jol-kólik oqiǵalary sanynyń 20 paiyzǵa qysqarýyna ákelýi múmkin», - dedi Sergei Reshetnikov.
Depýtattyq saýalda kóliktegi apattardyń aldyn alýdyń tiimdi sharalaryn ázirleý úshin jol qozǵalysy erejelerin buzýdyń mán-jaiyn anyqtaý mańyzdy ekenin atalyp ótken. Iaǵni, júrgizýshi nemese jaiaý júrginshi nege osy erejelerdi buzǵanyn jáne olardy mundai buzýshylyqqa barýǵa itermelegen sebepterdi izdeý qajet.
Jol qozǵalysy qaýipsizdigine teris áser etetin faktorlar arasynda mynalardy ataýǵa bolady: jol qozǵalysyna qatysýshylardyń daiyndyq deńgeiiniń tómendigi, jol politsiiasy qyzmetkerlerine senimsizdik jáne jol qozǵalysyna qatysýshylar arasynda etikalyq minez-qulyq normalarynyń bolmaýy.
Ókinishke qarai, qazirgi ýaqytta jol-kólik oqiǵalarynda jaiaý júrginshilerdiń uqypsyzdyǵy men jol erejelerin buzý jaǵdailary az emes ekenin moiyndaý kerek. Atap aitqanda, júris bóliginde qulaqqappen júrý jáne joldy ruqsat etilmegen jerlerde kesip ótý kezinde qaiǵyly jaǵdailar oryn alýda. Mundai jaǵdaida balalar kóp zardap shegedi.
