Veterinariialyq mamandardy daiarlaityn joǵary oqý oryndaryna qoiylatyn talaptar tizbesin ázirleý kerek. Bul týraly Májilistegi Úkimet saǵatynda depýtat Erlan Barlybaev aitty, dep habarlaidy QazAqparat.
«Búginde veterinarlyq mamandardyń tapshylyǵy sezilip otyr. Jumys isteitin mamandardyń jalpy sany 10 798 adam, qosymsha kadrlarǵa qajettilik – 810 adam. Bul rette, 2021 jylǵy 1283 túlektiń ishinen mamandyq boiynsha 712 adam ǵana jumysqa ornalastyryldy. Sonymen qatar, kadrlardy daiarlaý týraly aitqanda, birinshi kezekte veterinariialyq mamandardy daiarlaityn joǵary oqý oryndaryna qoiylatyn talaptar tizbesin ázirleý kerek. Óitkeni qazirgi ýaqytta olardy daiarlaýdy, onyń ishinde qajetti materialdyq-tehnikalyq jaraqtandyrylmaǵan joǵary oqý oryndary júzege asyrady, ǵylymi-pedagogikalyq kadrlardyń biliktiligi de kóp nárseni qajet etedi. Budan basqa, bilim berý baǵdarlamalaryn, onyń ishinde arnaiy pánder sanyn ulǵaitý arqyly ózektendirý talap etiledi», - dedi Barlybaev.
Onyń paiymynsha, oqytýshylardyń ǵylymi jáne óndiristik uiymdar bazasynda oqytylatyn pánderdiń ereksheligi boiynsha keminde bir jyl merzimge mindetti taǵylymdamadan ótýin turaqty negizde uiymdastyrý jóninde sharalar qabyldaý qajet.
«Ministrlik usynǵan veterinariialyq mamandyqtarǵa aýyldyq kvotany 70% - ǵa deiin ulǵaitý sharasynan basqa, bizdiń oiymyzsha, aýyl jastary úshin joǵary oqý oryndaryna granttarǵa túsý kezinde barlyq aýyl sharýashylyǵy, onyń ishinde veterinariialyq mamandyqtar úshin ótý balyn azaitý jaǵyna qarai qaita qaraý qajet. Jas mamandardy aýylda bekitýdiń mańyzdy elementi olardy oqytý protsesine aýyl sharýashylyǵy taýar óndirýshilerin tartý bolýy múmkin. Budan basqa, iri agroqurylymdar bazasynda stýdentterdiń óndiristik praktikadan ótýin turaqty negizde engizýge bolady», - dedi depýtat.
