Májilis tóraǵasy Erlan Qoshanov Parlament palatalarynyń birlesken otyrysyn shaqyrý týraly Ókimge qol qoidy, - dep habarlaidy "Ult aqparat" Májilistiń baspasóz qyzmetine silteme jasap.
"Qazaqstan Respýblikasy Konstitýtsiiasynyń 58-baby 4-tarmaǵy 2) tarmaqshasyna sáikes, Qazaqstan Respýblikasy Parlamenti palatalarynyń birlesken otyrysy 2022 jylǵy 1 qyrkúiekte saǵat 11.00-de Nur-Sultan qalasynda shaqyrylsyn", - delingen Ókim mátininde.
Eske salaiyq, qazaqstandyq depýtattar 30 maýsymda kanikýlǵa shyqqan bolatyn. Dástúr boiynsha qyrkúiekte Parlamenttiń jańa sessiiasy bastalady.
