Kollaj: Ult.kz
Búgin, 15 qazanda Parlament Májilisi otyrysynda «Quqyq buzýshylyq profilaktikasy týraly» Qazaqstan Respýblikasy Zańy qaralǵan. Zań jobasynyń talqylaýy kezinde Májilis spikeri Erlan Qoshanov depýtat Murat Ábenovtiń sózin mysqylmen bóldi. Al Ábenov Qazaqstan Ulttyq arnasyndaǵy filmderdi synǵa aldy. Bul týraly Ult.kz habarlaidy.
Májilismen Murat Ábenov baiandamashy Ishki Ister Ministri Erjan Sádenovke saýal qoiý úshin mikrofon aldy da, depýtat kótergen máselelerdiń kóbin Ishki Ister Ministrligi eleýsiz qaldyrmaitynyn aityp, qoldap jatqanyna alǵys bildirdi.
Depýtat ministrlik qoldaǵan máselelerdi tizip jatqan kezde Murat Ábenovtyń sózin Májilis spikeri Erlan Qoshanov bóldi:
"Murat Abdýlamituly, suraǵyńyzdy qoiyńyz. Al ministrdi maqtaýdy qazir jaryssózge jazylyńyz, sosyn aitasyz", - dedi.
Sodan keiin Murat Ábenov naqty suryǵyna kóshti. Ol suraǵyn Mádeniet jáne Aqparat Ministrligine arnady.
Ulttyq arna memlekettik saiasatqa qarsy ma?
“Sizdermen birge nasihattaý máselesi óte az. Ulttyq arnadan keshe kino bolyp jatyr. Ulttyq arna! Prezident tapsyrma berdi. Kino bolyp jatyr qazir. Serial. “Kónbeseń alyp qashamyn” deidi. “Eshteńe qylmaidy, meni de alyp qashqan, aman-esen júrmiz” deidi. Bul ne sonda?! Sonda Ulttyq arna memlekettik saiasatqa qarsy júrgizip jatyr ma degen oi keledi. Eki ministrlik birin biri estimei me degen oi keledi. Biz zań shyǵaramyz, ol zańǵa mensinbei kúlki qylyp qaraý durys emes dep oilaimyn”, - dedi Ábenov.
Suraqqa jaýap bergen Ministr Erjan Sádenovtiń aitýynsha zańǵa qaishy kontent bolǵan jaǵdaida buǵattalyp, Ishki Ister Ministrligi saraptama júrgizip, sheshim qabyldaidy eken.
“Árine jańaǵy filmder siiaqty máseleler ótip ketetin shyǵar. Ol endi kemshilikter. Sol sebepti eskerip, jańa zań qabyldansa da ony ary qaratai naqtylaý jumystaryn júrgizemiz”, - dep jaýap berdi ministr.
Baljan Jeńisqyzy
