Parlament Májilisiniń jalpy otyrysynda «Qazaqstan Respýblikasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy "Ult aqparat".
Zań jobasy:
- qabyldaýshy taraptyń jumyskerlerimen salystyrǵanda jiberýshi taraptyń jumyskerlerine qatysty kemsitýshilik úshin qabyldaýshy taraptyń ákimshilik jaýaptylyǵyn belgileýge;
- alaýlarda jáne statsionarlyq kózderde gazdy jaǵýdan lastaǵysh zattardyń shyǵaryndylary úshin aiyppuldy esepteý kezinde kemsitýshilik tásildi joiýǵa;
- memlekettik baqylaý nátijeleri boiynsha anyqtalǵan quqyq buzýshylyqtar úshin tulǵalardy ákimshilik jaýaptylyqqa tartý úshin eskirý merzimin ulǵaitýǵa;
- quqyq qoldaný praktikasynyń qaýipti óndiristik obektilerge zańsyz kirýge jáne paidaly qazbalardy zańsyz óndirýge bailanysty problemalaryn sheshýge;
- prokýrordyń qaýlysyn oryndamaǵany úshin jaýaptylyqty belgileýge baǵyttalǵan.
Májilistiń Zańnama jáne sot-quqyqtyq reforma komitetiniń málimetinshe, «Qazaqstan Respýblikasynyń keibir zańnamalyq aktilerine personal berý jónindegi qyzmetterdi kórsetý máseleleri boiynsha ózgerister men tolyqtyrýlar engizý týraly» Zańynda «jiberýshi tarap», «qabyldaýshy tarap» degen jańa uǵymdar engizilgenine, sondai-aq olardyń quqyqtary men mindetteri bekitilgenine bailanysty jumyskerlerdiń zańdy quqyqtary men múddelerin taraptardyń saqtamaǵany úshin ákimshilik jaýaptylyq sharalaryn kózdeý usynylady.
Personal berý jónindegi qyzmetterdi kórsetýge shart jasasý kezinde de, onyń qoldanylý kezeńinde de jiberýshi tarapty tártipke keltiretin ákimshilik jaýaptylyqty belgileý usynylady. Atalǵan shara jiberýshi tarap jumyskerleriniń eńbegine aqy tóleý boiynsha qabyldaýshy taraptyń jumyskerlerimen salystyrǵanda uqsas laýazymy, tiisti biliktiligi, mamandyǵy nemese kásibi, sondai-aq eńbek jaǵdailary jáne sol jumys kólemi boiynsha kemsitýshilikti bolǵyzbaýǵa múmkindik beredi.
Sondai-aq qaryzdyq eńbek jumyskerleriniń (jiberýshi taraptyń) zańdy quqyqtary men múddelerin qorǵaý maqsatynda jiberýshi taraptyń jumyskerleri úshin Qazaqstan Respýblikasynyń eńbek zańnamasynda kózdelgen jumys ýaqyty men kúndelikti jumystyń (jumys aýysymynyń) qalypty jáne qysqartylǵan uzaqtyǵyn zańsyz asyrǵany úshin qabyldaýshy taraptyń ákimshilik jaýaptylyǵyn belgileý usynylady.
Jeke kásipkerlik sýbektilerin qoldaý jáne qorǵaý salasyndaǵy memlekettik baqylaý nátijeleri boiynsha anyqtalǵan quqyq buzýshylyqtar úshin tulǵalardy ákimshilik jaýaptylyqqa tartý úshin eskirý merzimin bir jylǵa deiin ulǵaitý, sondai-aq prokýror qaýlysyn oryndamaǵany úshin jaýaptylyqty belgileý usynylady.
Prokýrordyń qaýlysyn oryndamaǵany úshin ákimshilik jaýaptylyqty belgileý, eń aldymen, kásipkerlerdi memlekettik organdardyń zańsyz áreketterinen qorǵaýǵa baǵyttalǵan. Usynylyp otyrǵan qural prokýrorlyq qadaǵalaýdyń pármendi jáne tiimdi quraldarynyń birine ainalady jáne kásipkerlerdi qorǵaýdyń deńgeiin arttyrady.
