پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى "ۇلت اقپارات".
زاڭ جوباسى:
- قابىلداۋشى تاراپتىڭ جۇمىسكەرلەرٸمەن سالىستىرعاندا جٸبەرۋشٸ تاراپتىڭ جۇمىسكەرلەرٸنە قاتىستى كەمسٸتۋشٸلٸك ٷشٸن قابىلداۋشى تاراپتىڭ ەكٸمشٸلٸك جاۋاپتىلىعىن بەلگٸلەۋگە;
- الاۋلاردا جەنە ستاتسيونارلىق كٶزدەردە گازدى جاعۋدان لاستاعىش زاتتاردىڭ شىعارىندىلارى ٷشٸن ايىپپۇلدى ەسەپتەۋ كەزٸندە كەمسٸتۋشٸلٸك تەسٸلدٸ جويۋعا;
- مەملەكەتتٸك باقىلاۋ نەتيجەلەرٸ بويىنشا انىقتالعان قۇقىق بۇزۋشىلىقتار ٷشٸن تۇلعالاردى ەكٸمشٸلٸك جاۋاپتىلىققا تارتۋ ٷشٸن ەسكٸرۋ مەرزٸمٸن ۇلعايتۋعا;
- قۇقىق قولدانۋ پراكتيكاسىنىڭ قاۋٸپتٸ ٶندٸرٸستٸك وبەكتٸلەرگە زاڭسىز كٸرۋگە جەنە پايدالى قازبالاردى زاڭسىز ٶندٸرۋگە بايلانىستى پروبلەمالارىن شەشۋگە;
- پروكۋروردىڭ قاۋلىسىن ورىنداماعانى ٷشٸن جاۋاپتىلىقتى بەلگٸلەۋگە باعىتتالعان.
مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ مەلٸمەتٸنشە, «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە پەرسونال بەرۋ جٶنٸندەگٸ قىزمەتتەردٸ كٶرسەتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭىندا «جٸبەرۋشٸ تاراپ», «قابىلداۋشى تاراپ» دەگەن جاڭا ۇعىمدار ەنگٸزٸلگەنٸنە, سونداي-اق ولاردىڭ قۇقىقتارى مەن مٸندەتتەرٸ بەكٸتٸلگەنٸنە بايلانىستى جۇمىسكەرلەردٸڭ زاڭدى قۇقىقتارى مەن مٷددەلەرٸن تاراپتاردىڭ ساقتاماعانى ٷشٸن ەكٸمشٸلٸك جاۋاپتىلىق شارالارىن كٶزدەۋ ۇسىنىلادى.
پەرسونال بەرۋ جٶنٸندەگٸ قىزمەتتەردٸ كٶرسەتۋگە شارت جاساسۋ كەزٸندە دە, ونىڭ قولدانىلۋ كەزەڭٸندە دە جٸبەرۋشٸ تاراپتى تەرتٸپكە كەلتٸرەتٸن ەكٸمشٸلٸك جاۋاپتىلىقتى بەلگٸلەۋ ۇسىنىلادى. اتالعان شارا جٸبەرۋشٸ تاراپ جۇمىسكەرلەرٸنٸڭ ەڭبەگٸنە اقى تٶلەۋ بويىنشا قابىلداۋشى تاراپتىڭ جۇمىسكەرلەرٸمەن سالىستىرعاندا ۇقساس لاۋازىمى, تيٸستٸ بٸلٸكتٸلٸگٸ, ماماندىعى نەمەسە كەسٸبٸ, سونداي-اق ەڭبەك جاعدايلارى جەنە سول جۇمىس كٶلەمٸ بويىنشا كەمسٸتۋشٸلٸكتٸ بولعىزباۋعا مٷمكٸندٸك بەرەدٸ.
سونداي-اق قارىزدىق ەڭبەك جۇمىسكەرلەرٸنٸڭ (جٸبەرۋشٸ تاراپتىڭ) زاڭدى قۇقىقتارى مەن مٷددەلەرٸن قورعاۋ ماقساتىندا جٸبەرۋشٸ تاراپتىڭ جۇمىسكەرلەرٸ ٷشٸن قازاقستان رەسپۋبليكاسىنىڭ ەڭبەك زاڭناماسىندا كٶزدەلگەن جۇمىس ۋاقىتى مەن كٷندەلٸكتٸ جۇمىستىڭ (جۇمىس اۋىسىمىنىڭ) قالىپتى جەنە قىسقارتىلعان ۇزاقتىعىن زاڭسىز اسىرعانى ٷشٸن قابىلداۋشى تاراپتىڭ ەكٸمشٸلٸك جاۋاپتىلىعىن بەلگٸلەۋ ۇسىنىلادى.
جەكە كەسٸپكەرلٸك سۋبەكتٸلەرٸن قولداۋ جەنە قورعاۋ سالاسىنداعى مەملەكەتتٸك باقىلاۋ نەتيجەلەرٸ بويىنشا انىقتالعان قۇقىق بۇزۋشىلىقتار ٷشٸن تۇلعالاردى ەكٸمشٸلٸك جاۋاپتىلىققا تارتۋ ٷشٸن ەسكٸرۋ مەرزٸمٸن بٸر جىلعا دەيٸن ۇلعايتۋ, سونداي-اق پروكۋرور قاۋلىسىن ورىنداماعانى ٷشٸن جاۋاپتىلىقتى بەلگٸلەۋ ۇسىنىلادى.
پروكۋروردىڭ قاۋلىسىن ورىنداماعانى ٷشٸن ەكٸمشٸلٸك جاۋاپتىلىقتى بەلگٸلەۋ, ەڭ الدىمەن, كەسٸپكەرلەردٸ مەملەكەتتٸك ورگانداردىڭ زاڭسىز ەرەكەتتەرٸنەن قورعاۋعا باعىتتالعان. ۇسىنىلىپ وتىرعان قۇرال پروكۋرورلىق قاداعالاۋدىڭ پەرمەندٸ جەنە تيٸمدٸ قۇرالدارىنىڭ بٸرٸنە اينالادى جەنە كەسٸپكەرلەردٸ قورعاۋدىڭ دەڭگەيٸن ارتتىرادى.
