Májilis depýtattary sársenbidegi kezekti otyrysty Lenin atyndaǵy shahtada qaza tapqan kenshilerdi bir minýt únsizdikpen eske alýdan bastady, dep habarlaidy Sputnik Qazaqstan.
3 qarashada Qaraǵandy oblysy Shahtinsk qalasyndaǵy shahtada apat bolyp, bes kenshi kóz jumǵan edi.
"Barlyq depýtattyq korpýs atynan qaitys bolǵan kenshilerdiń otbasy men jaqyndarynyń qaiǵysyna ortaqtasyp, kóńil aitamyn. Osyǵan bailanysty qazaǵa ushyraǵan azamattarymyzdy bir minýt únsizdikpen eske alýdy usynamyn", - dedi májilis spikeri Erlan Qoshanov otyrysty ashyp.
3 qarashada Lenin atyndaǵy shahtada drenajdyq uńǵymalardy burǵylaý kezinde kenetten metan jarylǵan. Artynan órt shyqqan. Apat saldarynan 5 kenshi qaza tapty. Taǵy tórt jumysshy aýrýhanaǵa tústi.
6 qarashada "ArselorMittal Temirtaý" AQ-ǵa qarasty "Kazahstanskaia" shahtasynda taǵy bir qyzmetkerdiń denesi tabyldy. Marqum kásiporynnyń kómir departamenti bólimsheleriniń birinde istegen. Oqiǵa kezinde jumysshy qyzmettik kezekshilikte bolmaǵan.
7 qarashada Prezident Qasym-Jomart Toqaev "ArselorMittal Temirtaý" kásipornynda apat jiilep, qaitalana beretin jaǵdaiǵa jetkenin málimdedi. 2006 jyldan beri metallýrgiia kombinatynda 20-dan astam apat bolyp, 100-den asa azamat qaza tapqan.
Memleket basshysy jedel túrde qatań sharalar qabyldaýdy tapsyryp, zaýyttyń jaǵdaiyna shynaiy baǵa beretin halyqaralyq kompaniiany tartýdy usyndy.
