مەجٸلٸس دەپۋتاتتارى سەرسەنبٸدەگٸ كەزەكتٸ وتىرىستى لەنين اتىنداعى شاحتادا قازا تاپقان كەنشٸلەردٸ بٸر مينۋت ٷنسٸزدٸكپەن ەسكە الۋدان باستادى, دەپ حابارلايدى Sputnik قازاقستان.
3 قاراشادا قاراعاندى وبلىسى شاحتينسك قالاسىنداعى شاحتادا اپات بولىپ, بەس كەنشٸ كٶز جۇمعان ەدٸ.
"بارلىق دەپۋتاتتىق كورپۋس اتىنان قايتىس بولعان كەنشٸلەردٸڭ وتباسى مەن جاقىندارىنىڭ قايعىسىنا ورتاقتاسىپ, كٶڭٸل ايتامىن. وسىعان بايلانىستى قازاعا ۇشىراعان ازاماتتارىمىزدى بٸر مينۋت ٷنسٸزدٸكپەن ەسكە الۋدى ۇسىنامىن", - دەدٸ مەجٸلٸس سپيكەرٸ ەرلان قوشانوۆ وتىرىستى اشىپ.
3 قاراشادا لەنين اتىنداعى شاحتادا درەناجدىق ۇڭعىمالاردى بۇرعىلاۋ كەزٸندە كەنەتتەن مەتان جارىلعان. ارتىنان ٶرت شىققان. اپات سالدارىنان 5 كەنشٸ قازا تاپتى. تاعى تٶرت جۇمىسشى اۋرۋحاناعا تٷستٸ.
6 قاراشادا "ارسەلورميتتال تەمٸرتاۋ" اق-عا قاراستى "كازاحستانسكايا" شاحتاسىندا تاعى بٸر قىزمەتكەردٸڭ دەنەسٸ تابىلدى. مارقۇم كەسٸپورىننىڭ كٶمٸر دەپارتامەنتٸ بٶلٸمشەلەرٸنٸڭ بٸرٸندە ٸستەگەن. وقيعا كەزٸندە جۇمىسشى قىزمەتتٸك كەزەكشٸلٸكتە بولماعان.
7 قاراشادا پرەزيدەنت قاسىم-جومارت توقاەۆ "ارسەلورميتتال تەمٸرتاۋ" كەسٸپورنىندا اپات جيٸلەپ, قايتالانا بەرەتٸن جاعدايعا جەتكەنٸن مەلٸمدەدٸ. 2006 جىلدان بەرٸ مەتاللۋرگييا كومبيناتىندا 20-دان استام اپات بولىپ, 100-دەن اسا ازامات قازا تاپقان.
مەملەكەت باسشىسى جەدەل تٷردە قاتاڭ شارالار قابىلداۋدى تاپسىرىپ, زاۋىتتىڭ جاعدايىنا شىنايى باعا بەرەتٸن حالىقارالىق كومپانييانى تارتۋدى ۇسىندى.
