- Parlament Májilisi jalpy otyrysta «Qazaqstan Respýblikasynyń Úkimeti men Atom energiiasy jónindegi halyqaralyq agenttik arasyndaǵy Qazaqstan Respýblikasynda Atom energiiasy jónindegi halyqaralyq agenttiktiń Tómen baiytylǵan ýran bankin qurý týraly kelisimdi ratifikatsiialaý týraly» zań jobasyn maquldady, dep habarlaidy QazAqparat.
«Halyqaralyq tómen baiytylǵan ýran banki Atom energiiasy jónindegi halyqaralyq agenttikke múshe memleketterdiń atom stansalaryna iadrolyq otyndy kepildi jetkizýdi qamtamasyz etý úshin agenttiktiń qoldaýymen qurylady jáne osy agenttikke múshe elderdiń birinde ornalasqan tómen baiytylǵan ýran qoimasyn qamtidy. Osyndai bankti qurý bastamasyn usynǵan agenttik operator elge birneshe talap qoiady. El iadrolyq emes mártebege, iadrolyq tsikldiń bul bóliginde tehnologiialarǵa jáne tájiribege, tiisti infraqurylymǵa, Atom energiiasy jónindegi halyqaralyq agenttiktiń senimine ie bolýǵa tiis. Bunyń barlyǵy Qazaqstanda bar, eń aldymen jinalǵan tájiribeniń arqasynda», - dedi QR Energetika ministri Qanat Bozymbaev.
Ministrdiń sózinshe, Qazaqstan iri ýran óndirýshi jáne joǵary baiytylǵan ýrandy tómen baiytylǵan ýran formasyna qaita óńdeý múmkindikterine ie bola otyryp, beibit iadrolyq energetikany damytýǵa óz úlesin qosýǵa nietti.
2011 jylǵy 29 shildede Qazaqstan óz aýmaǵynda tómen baiytylǵan ýran bankin ornalastyrý nieti týraly resmi ótinimdi halyqaralyq agenttikke jiberdi. Ótinimde qarastyrý úshin eki alań usynyldy, iaǵni Óskemendegi Úlbi metallýrgiialyq zaýyty jáne burynǵy Semei synaq poligony aýmaǵyndaǵy №5 alańy qamtyldy. 2011 jyly 29 tamyzdan 2 qyrkúiek aralyǵynda Atom energiiasy jónindegi halyqaralyq agenttiktiń tehnikalyq missiiasy qosylyǵan alańdardy qaryp, Úlbi metallýrgiialyq zaýytyn tańdady. Bul 65 jyldyq tarihy bar kásiporyn, onyń 45 jyldan astam merziminde osyndai materialmen jumys isteý tájiribesi bar.
