Foto: ashyq derekkózden
Tuńǵysh Prezident Nursultan Nazarbaev pen onymen birge turatyn otbasy múshelerin qorǵaityn zańnyń kúshi jaqyn arada joiylady. Parlament Májilisi tiisti zań jobasyn qaraýǵa kiristi, dep habarlaidy Sputnik Qazaqstan.
Búgin, 28 jeltoqsan Májilistiń kezekti otyrysynda depýtattar "Qazaqstan Respýblikasynyń Tuńǵysh Prezidenti – Elbasy týraly" Qazaqstan Respýblikasy Konstitýtsiialyq zańynyń kúshi joiyldy dep taný týraly" Konstitýtsiialyq zań jobasyn qaraýǵa qabyldady.
Májilis depýtaty, zańnama jáne sot-quqyqtyq reforma komitetiniń tóraǵasy Arman Qojahmetovtiń aitýynsha, zań jobasy respýblikalyq referendým qorytyndysy boiynsha Konstitýtsiiaǵa engizilgen ózgeristerdi iske asyrý maqsatynda ázirlendi.
"Atap aitsaq, biyl 8 maýsymdaǵy Zańmen Konstitýtsiiaǵa engizilgen túzetýlerge sáikes, Qazaqstannyń Tuńǵysh Prezidentiniń mártebesi men ókilettigi Respýblika Konstitýtsiiasymen jáne konstitýtsiialyq zańmen aiqyndalady degen normany kózdeitin Ata zańnyń 46-baby 4-tarmaǵy alynyp tastaldy. Osyǵan bailanysty, bul zań jobasymen quqyqtyq negizdiń joqtyǵyn eskere otyryp, tiisti Konstitýtsiialyq zańnyń kúshin joiý kózdeledi", - dedi Qojahmetov.
Ata zańnan Nazarbaevqa Memleket basshysy laýazymyna qatarynan eki retten artyq sailaný quqyǵyn beretin ereje alynyp tastaldy.
Sondai-aq, 91-baptan táýelsiz Qazaqstannyń negizin qalaýshy retinde Tuńǵysh Prezident týraly tujyrym jáne onyń Elbasy (ult kóshbasshysy) mártebesi alyndy.
Alaida Nursultan Nazarbaevty barlyq mártebe men artyqshylyqtardan aiyrý úshin "Tuńǵysh Prezident – Elbasy týraly" Konstitýtsiialyq zańynyń kúshin joiý qajet bolatyn.
Búgin Parlamentte osy protsess bastaldy.
"Tuńǵysh prezident – Elbasy týraly" zańda ne aitylǵan?
Konstitýtsiialyq zań 2000 jyly qabyldanǵan bolatyn. Konstitýtsiialyq zań boiynsha Nursultan Nazarbaev Qazaqstan Prezidenti bolǵan kezde jáne Qazaqstannyń Tuńǵysh Prezidenti mártebesin alǵannan keiin de jasaǵan áreketteri úshin jaýapqa tartylmaidy.
Ony ustaýǵa, qamaqqa alýǵa, tintýge, odan jaýap alýǵa ne jeke basyn jete tekserýge, kúzetpen ustaýǵa bolmaidy.
Sonymen qatar, Elbasy men onymen birge turatyn otbasy múshelerine tiesili barlyq jeke múlikke tiisýge jáne shekteý qoiýǵa bolmaidy. Jeke múlikke turǵyn jáne qyzmettik úi-jailar, qyzmettik kólik, bailanys quraldary, hattar, qujattar kiredi. Tiispeýshilik Qazaqstan Tuńǵysh Prezidenti – Elbasynyń qoryna jáne ol qurǵan ózge de zańdy tulǵalarǵa tiesili múlikke de qoldanylady.
Budan bólek, konstitýtsiialyq zań Nazarbaev pen onymen birge turatyn otbasy múshelerine tiesili bank shottarynyń qupiialyǵyna jáne oǵan qol suqpaýyna kepildik beredi.
Nursultan Nazarbaev ómir boiy memlekettik kúzetpen qamtamasyz etiledi. Tuńǵysh Prezidenttiń otbasy múshelerine de memlekettik kúzet beriledi.
Konstitýtsiialyq zańnyń 11-baby Elbasyny zeinetaqymen qamsyzdandyrý jáne saqtandyrýdy kózdeidi. Ókilettigin toqtatqannan keiin Nazarbaev jasyna qaramastan, Qazaqstan Respýblikasy Prezidentiniń laýazymdyq jalaqysynyń 80 protsenti mólsherinde ai saiyn zeinetaqy alyp turady.
Al Nazarbaev qaitys bolǵan jaǵdaida otbasynyń árbir múshesine eń tómengi zeinetaqynyń 10 eselengen mólsherine teń somada ai saiynǵy járdemaqy ómir boiyna tólenedi.
Tuńǵysh Prezident pen onymen birge turatyn otbasy múshelerine tegin meditsinalyq qyzmet kórsetý men sanatorii-kýrorttyq emdeý quqyǵy ómir boiy saqtalady. Munyń barlyǵyna qarjy respýblikalyq biýdjetten bólinedi.
