Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine qaldyqtardy energetikalyq kádege jaratý máseleleri boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy QazAqparat.
«Zań jobasyn birinshi oqylymda talqylaǵan kezde aitylǵandai, ol qaldyqtardy energetikalyq kádege jaratý úshin quqyqtyq baza qalyptastyrý maqsatynda ázirlendi. Qujat turmystyq qatty qaldyqtardy termiialyq jolmen óńdeý arqyly elektr energiiasyn alýdy kózdeidi. Bul protsester ekologiialyq jáne ekonomikalyq oń nátije alýǵa yqpal etetin bolady», - dedi Shavhat Ótemisov.
Onyń sózine qaraǵanda, zań jobasyn ekinshi oqylymǵa daiyndaý barysynda quqyqtyq olqylyqtardy ári quqyq qoldanýda týyndaityn qaishylyqtardy boldyrmaýǵa, sondai-aq normalardyń redaktsiiasyn jaqsartýǵa jáne olardy talaptarǵa sáikes keltirýge baǵyttalǵan birqatar túzetý qarastyryldy.
Budan buryn habarlanǵandai, biyl 17 maýsym kúni Májilis atalǵan zań jobasyn birinshi oqylymda maquldaǵan edi.
«Zań jobasyna depýtattar qatty turmystyq qaldyqtardy órteý jolymen qaita óńdep, keiinnen elektr energiiasyn alý úshin quqyqtyq baza qurý maqsatynda bastamashylyq jasady. Órteýge qaita óńdeýge jatpaityn qaldyqtardyń bir bóligi ǵana qamtylady. Jyl saiyn elimizde shamamen 5 mln tonna qaldyq paida bolady. Olardyń tek 15 paiyzy qaita óńdeledi. Qazir osy mindetti iske asyrý úshin búkil álemde qoqys jaǵatyn keshender jumys isteidi», - dedi Májilis depýtaty Quralai Qaraken.
