Parlament Májilisiniń jalpy otyrysynda «2014 jylǵy 29 mamyrdaǵy EAEO shartqa Qyrǵyz Respýblikasynyń qosylýyna bailanysty Qyrǵyz Respýblikasynyń 2014 jylǵy 29 mamyrdaǵy EAEO týraly shartty, EAEO quqyǵyna kiretin jekelegen halyqaralyq sharttardy jáne EAEO organdarynyń aktilerin qoldanýy jónindegi jaǵdailar men ótpeli erejeler týraly 2015 jylǵy 8 mamyrdaǵy hattamaǵa ózgeris engizý týraly hattamany ratifikatsiialaý týraly» zań jobasy maquldandy, dep habarlaidy QazAqparat.
Qyrǵyz Respýblikasy Eýraziialyq ekonomikalyq odaqqa 2015 jylǵy tamyzda qosyldy. Ekonomikany EAEO-nyń talaptaryna beiimdeý maqsatynda Qyrǵyz Respýblikasyna 222 taýar boiynsha biryńǵai kedendik tarif mólsherlemelerine kóshý úshin bes jyldyq kezeń berilgen.
«Qyrǵyz tarapy neǵurlym tómen baj salyǵyn qoldanǵan ótpeli kezeń 2020 jylǵy 1qańtarda aiatalýy tiis edi. Alaida memlekettiń turaqsyz ekonomikalyq jáne áleýmettik jaǵdaiyn eskere otyryp, Qyrǵyz Respýblikasynyń Prezidenti 2019 jylǵy jeltoqsanda EAEO memleketteri basshylarynyń sammiti barysynda alyp qoiý taýarlaryna qatysty neǵurlym tómen bajdardy qoldaný merzimin uzartý týraly ótinish jasady. Talqylaý qorytyndysy boiynsha memleket basshylary, sondai-aq Joǵary Eýraziialyq ekonomikalyq keńestiń qurmetti tóraǵasy, QR Tuńǵysh Prezidenti-Elbasy Nursultan Nazarbaev ótpeli kezeńdi bir jylǵa uzartýǵa kelise otyryp, izgi nietin bildirdi», - dedi Saýda jáne integratsiia ministri Baqyt Sultanov.
Onyń aitýynsha, tómengi bajdardyń qoldanýyn uzartý kólik tobyna áser etpedi.
«2021 jylǵy 1 qańtardan bastap Qyrǵyz Respýblikasy barlyq taýarlarǵa qatysty EAEO-nyń biryńǵai kedendik tarifiniń mólsherlemelerine kóshti», - dedi ministr.
