Májilis depýtaty Juldyz Súleimenova oqý jylynyń IV toqsanynda júktemesi eki ese artqaly otyrǵan muǵalimderdiń eńbekaqysy týraly depýtattyq saýal joldady, dep habarlaidy "Ult aqparat".
«Qazaqstan Respýblikasynyń bas memlekettik sanitar dárigeriniń qaýlysyna sáikes, IV toqsanda tómen jáne ortasha táýekel aimaqtaryndaǵy bala sany 300-den 3000-ǵa deiingi oqýshyny qamtityn qala jáne aýyl mektepteri aralas formatta oqytýdy josparlaýda. Atalǵan másele halyq tyǵyz ornalasqan ońtústik aimaqtaryna ǵana emes, elordaǵa jaqyn ornalasqan orta mektepterge de qatysy bar. Osy rette, bas sanitar dárigerdiń synyptardaǵy balalar sanyn 25 adamnan asyrmai, aralas formatta oqytý jáne «1 synyp-1 kabinet» qaǵidatyn saqtaý qaýlysyn oryndaý múldem múmkin emes ekenin aitqymyz keledi», - dedi depýtat.
Onyń sózinshe, kópshilik orta bilim mekemelerinde oqýshy sany 35-ten asatyn synyptar bar.
Bul shara osyndai synyptardy ekige bólýge, sáikesinshe muǵalim júktemesin eki ese arttyrýǵa alyp keledi.
Májilis ókili oqý jylynyń sońynda muǵalimniń josparlanbaǵan mundai júktemesine jalaqy qandai qarajattan tólenetinin surady.
«Mektepterge bul oraida qosymsha qarajat bóline me? Eger bólinbese, muǵalimniń eńbegi, mańdai ter aqysy qaidan tólenbek? Eger synypta oqýshy sanyn 25-ten kóbeitýge sheshim qabyldansa, onda mektep direktorlary óz qaltasynan aiyppul tóleýge májbúr. Pandemiia kezinde mektep direktorlaryna aiyppul tóletý qanshalyqty qisyndy?», - dedi Juldyz Súleimenova.
Saýalynyń sońynda májilismen jergilikti atqarýshy bilik organdary bas sanitar dárigerlermen birlesip, offlain negizde synypqa keletin 25 oqýshynyń naqty kriteriilerin anyqtap, aimaqtaǵy epidemiologiialyq jaǵdaiǵa bailanysty dástúrli formatta bilim berýge kóshýge ikemdi sheshim qabyldaýy kerek degen usynys aitty.
