Nur-Sultan qalasy ákiminiń ókimimen Máken Baqtiiar Mákenuly qala ákiminiń orynbasary bolyp taǵaiyndaldy. Ol áleýmettik qorǵaý, ishki, jastar saiasaty jáne aqparat, mádeniet, densaýlyq saqtaý, dene shynyqtyrý jáne sport máselelerine jetekshilik etetin bolady, dep habarlaidy qalalyq ákimdiktiń baspasóz qyzmeti.
Máken Bahtiiar Mákenuly Almaty qalasynda týǵan, 38 jasta. Qazaq ulttyq agrarlyq ýniversitetin «Aýyl sharýashylyǵy ónimderin standarttaý jáne sertifikattaý» mamandyǵy boiynsha bitirgen, sarapshy-aýditor.
«Bolashaq» baǵdarlamasy boiynsha Montana-Missýla ýniversitetin támamdaǵan, memlekettik basqarý magistri (MRA).
2000-2009 jyldary jastar uiymdarynyń basshylyǵynda qyzmet etti.
2009-2010 jyldary Almaty qalasy Jastar saiasaty máseleleri basqarmasynyń Joǵary oqý oryndarymen jáne jastar uiymdarymen jumys bóliminiń basshysy.
2010-2012 jyldary - Almaty qalasy Jastar saiasaty máseleleri basqarmasynyń bastyǵy.
2012-2013 jyldary - Almaty qalasy ishki saiasat basqarmasynyń bastyǵy.
2013-2016 jyldary - Batys Qazaqstan oblysy ákiminiń orynbasary.
2016 jylǵy 24 naýryzdan bastap altynshy sailanǵan Qazaqstan Respýblikasy Parlamenti Májilisiniń depýtaty.
