Májilis depýtaty Aiqyn Qońyrov jeke turǵyn úi qurylysyna jer telimin bólý boiynsha Úkimet basshysy Asqar Maminniń atyna saýal joldady, dep habarlaidy "Ult aqparat".
«Qazaqstan Halyq partiiasynyń baǵdarlamasyna árbir qazaqstandyq otbasyǵa úi salý jáne sharýashylyq júrgizý úshin 20 sotyq jer berý týraly tarmaq engizildi. Bastama qazaqstandyqtar arasynda qyzyǵýshylyq pen qoldaý týdyrdy. Usynys - Halyq partiiasynyń baǵdarlamasyna kezdeisoq engizilgen joq jáne bul ádemi ýádelerdi jinaýdyń tehnikalyq qadamy da emes. Bul - QHP-nyń jyldar boiy qalyptasqan áleýmettik-ekonomikalyq jáne tipti ideologiialyq kún tártibiniń júie quraýshy pýnkti. Ol biz basymdyq berip otyrǵan qoǵamnyń kózqarasynan týyndap otyr», - dedi depýtat Májilistiń jalpy otyrysynda.
Onyń aitýynsha, molshylyqtyń taǵy bir mańyzdy kriteriii – laiyqty baspana, óz jerinde úi salý múmkindiginiń bolýy. Bul - otbasylyq jáne áleýmettik materialdyq ál-aýqattyń negizi. Elimizde turǵyn úi baǵdarlamalary kóp qabyldandy, qomaqty qarajat bólinýde. Biraq másele mynada – orta otbasyn turǵyn úimen qamtamasyz etý boiynsha maqsattar qoiylmaidy. Úiler salynyp jatyr, degenmen halyqtyń kóp bóliginiń turǵyn úi jaǵdaiy jaqsaryp jatqan joq.
«Qarqyndy qurylys áleýmettik mindetterdi sheshpei, investorlar men qurylys kompaniialarynyń baiýyna ǵana jaǵdai jasap otyr», - dedi ol.
Osy oraida májilismen biýdjettik úilerdiń máselesin de atap ótti. Arzan baspana salynsa da, onyń sapasyna qatysty daý-damailar basylatyn emes.
«Ókinishke qarai, qalalarda árbir adamnyń 10 sotyq jerdi alý quqyǵyna qatysty norma jumys istep turǵan joq. Oǵan bir ǵana sebep bar. Shyn máninde, bul máseleni sheshýge eshkim tyrysyp jatqan da joq», - dep atap kórsetti Qońyrov.
Onyń oiynsha, búginde infraqurylymnyń joqtyǵyna jáne jerdiń tapshylyǵyna siltep jatady. Biraq másele onda emes. Bul bastamany iske asyrý júiesi joq. Ol úshin eshkim jaýap bermeidi.
«Qazaqstan Halyq partiiasy Úkimetti árkimniń óz úiin salýyna jaǵdai jasaýǵa shaqyrady. Jer ýchaskelerin berý - mańyzdy, ómirlik mindet, ol jeke baǵdarlamaǵa nemese ulttyq jobaǵa laiyq. (…)
20 sotyq jer bólýdi kedeishilikpen kúres jáne Qazaqstanda aýqatty qoǵam qurý mindetterin sheshýdiń joly retinde qaraý kerek», - dedi A. Qońyrov.
Depýtattyq saýalda 20 sotyq jer berý asa bir shyǵyndy emes ekendigi atap ótilgen. Durys kózqaraspen qaraǵanda, onyń pragmatikalyq ekonomikalyq mańyzy zor.
