Depýtattar jumysynda jańa stil men mazmun paida bola bastady. Bul týraly AMANAT partiiasynyń sezinde Prezident Qasym-Jomart Toqaev málim etti, dep habarlaidy QazAqparat.
«Qajet bolsa, Úkimettiń naqty músheleri men ákimderge senim máselesin kóterý qajet. Barlyq deńgeidegi partiia depýtattarynyń reitingi aldyn ala daiyndalǵan esepterge emes, naqty ister men azamattardyń máselelerin sheshýge negizdelýi kerek», – dedi partiia Tóraǵasy bilik partiiasynyń kezekten tys sezinde.
Prezidenttiń sózine qaraǵanda, barlyq sailaý okrýgterinde fraktsiialar depýtattary arasynan kýratorlar bekitý qajet. Bul qadam olardyń jaýapkershilik aýmaǵyn keńeitýde mańyzdy.
«Jaqynda Májilis depýtattary óńirlerdegi saparlarynan oraldy. Men bul jumystyń barysyn baiqap otyrdym. Osy oraida depýtattar jumysynda jańa stil men mazmun paida bola bastady, onyń barlyǵy kórinip tur. Formaldy otyrystar sany azaiyp, sailaýshylarmen tikelei kezdesýler artty. Depýtattar jergilikti jerlerdegi azamattardyń naqty problemalaryn zerdelei bastady. Osyndai qadamdardy barynsha nyǵaityp, damyta túsýimiz kerek», - dedi Memleket basshysy.
