دەپۋتاتتار جۇمىسىندا جاڭا ستيل مەن مازمۇن پايدا بولا باستادى. بۇل تۋرالى AMANAT پارتيياسىنىڭ سەزٸندە پرەزيدەنت قاسىم-جومارت توقاەۆ مەلٸم ەتتٸ, دەپ حابارلايدى قازاقپارات.
«قاجەت بولسا, ٷكٸمەتتٸڭ ناقتى مٷشەلەرٸ مەن ەكٸمدەرگە سەنٸم مەسەلەسٸن كٶتەرۋ قاجەت. بارلىق دەڭگەيدەگٸ پارتييا دەپۋتاتتارىنىڭ رەيتينگٸ الدىن الا دايىندالعان ەسەپتەرگە ەمەس, ناقتى ٸستەر مەن ازاماتتاردىڭ مەسەلەلەرٸن شەشۋگە نەگٸزدەلۋٸ كەرەك», – دەدٸ پارتييا تٶراعاسى بيلٸك پارتيياسىنىڭ كەزەكتەن تىس سەزٸندە.
پرەزيدەنتتٸڭ سٶزٸنە قاراعاندا, بارلىق سايلاۋ وكرۋگتەرٸندە فراكتسييالار دەپۋتاتتارى اراسىنان كۋراتورلار بەكٸتۋ قاجەت. بۇل قادام ولاردىڭ جاۋاپكەرشٸلٸك اۋماعىن كەڭەيتۋدە ماڭىزدى.
«جاقىندا مەجٸلٸس دەپۋتاتتارى ٶڭٸرلەردەگٸ ساپارلارىنان ورالدى. مەن بۇل جۇمىستىڭ بارىسىن بايقاپ وتىردىم. وسى ورايدا دەپۋتاتتار جۇمىسىندا جاڭا ستيل مەن مازمۇن پايدا بولا باستادى, ونىڭ بارلىعى كٶرٸنٸپ تۇر. فورمالدى وتىرىستار سانى ازايىپ, سايلاۋشىلارمەن تٸكەلەي كەزدەسۋلەر ارتتى. دەپۋتاتتار جەرگٸلٸكتٸ جەرلەردەگٸ ازاماتتاردىڭ ناقتى پروبلەمالارىن زەردەلەي باستادى. وسىنداي قادامداردى بارىنشا نىعايتىپ, دامىتا تٷسۋٸمٸز كەرەك», - دەدٸ مەملەكەت باسشىسى.
