Májilis depýtaty, «Nur Otan» artiiasy fraktsiiasynyń múshesi Iýrii Jýlin Qaraǵandy oblysynyń Saran qalasyndaǵy jolaýshylar avtobýsy men arnaiy tehnika shyǵaratyn zaýytta boldy. Bul týraly Májilistiń baspasóz qyzmeti habarlady.
Zaýyt ótken jyldyń jeltoqsan aiynda ashyldy. Kásiporyn burynǵy RTI zaýyty negizinde jumys isteidi. Óndiris ornymen birge indýstriialyq aimaq ta jandanýda.
Investitsiialyq jobany iske asyrý úshin joba operatorynyń qatysýymen «QazTehna» JShS, «Saryarqa «ÁKK» AQ jáne Yutong kompaniiasynyń birlesken kásiporny quryldy. Investitsiia somasy 22,1 mlrd. teńgeni quraidy.
Zaýyt jylyna 1200 birlik avtobýs shyǵarýdy josparlap otyr. Keleshekte Saran qalasyndaǵy zaýyt jol-qurylys jáne júk tehnikasyn shyǵaratyn bolady. Bul tehnika Qazaqstannyń ónerkásiptik jáne taý-ken óndirýshi kompaniialary arasynda úlken suranysqa ie.
Májilis depýtaty Iýrii Jýlin óńirde ashylǵan kásiporyndar, eń aldymen, jańa jumys oryndary ekenine nazar aýdaryp, jańa investitsiialyq jobalardyń paida bolýy qalanyń damýyna serpin beretinin aitty.
Halyq qalaýlysynyń pikirinshe, kóptegen avtoparkter óz avtobýstaryn kásiporyn ónimi esebinen jańarta alady.
Jalpy, «Nur Otan» partiiasynyń sailaýaldy baǵdarlamasyn iske asyrý sheńberinde Saran qalasy boiynsha osy kásiporynda bes jyl ishinde shamamen 400 jańa jumys orny qurylmaq.
