Májilis depýtattary Daniia Espaeva men Irina Smirnova Astana ataýyn Nur-Sultanǵa qaitarýdy qoldady, - dep habarlaidy Tengrinews.kz.
Májilis otyrysynan keiin jýrnalister depýtattardan mundai bastamanyń sebebin surady.
"Búginde qoǵam astananyń burynǵy ataýyn qaitarýdy talap etip otyrǵanyn bilesizder. Qarjy turǵysynan muny qarastyrý kerek, bul bir sáttik shyǵyn emes ekenin túsinip turǵan shyǵarsyzdar. Qalai bolǵanda da, bastama bolýy kerek, ony qoldaý kerek, sodan keiin ǵana onyń ataýyn ózgertý sharalary birtindep júzege asyrylady. Qansha ýaqyt ótedi – jyldyń aiaǵyna deiin be, kelesi jyldyń aiaǵyna deiin – bul suraq", – dep túsindirdi Daniia Espaeva.
Irina Smirnova BAQ ókilderi suraǵyna jaýap bere otyryp, ol úshin qala ataýynyń sonshalyqty mańyzdy emes ekenin atap ótti.
"Maǵan qala ataýy bul qalanyń qalai ómir súrip jatqany, munda turǵyndarǵa qanshalyqty jaily ekenine qaraǵanda mańyzdy emes. Bireýler Aqmola, al keibireýleri Tselinograd dep ataýdy usynyp jatyr. Óitkeni bul ertedegi ataýlar edi. "Jańa Qazaqstan" depýtattyq toby Astana ataýyna oralaiyq dep sheshti", - dedi Májilis depýtaty Irina Smirnova.
