مەجٸلٸس دەپۋتاتتارى دانييا ەسپاەۆا مەن يرينا سميرنوۆا استانا اتاۋىن نۇر-سۇلتانعا قايتارۋدى قولدادى, - دەپ حابارلايدى Tengrinews.kz.
مەجٸلٸس وتىرىسىنان كەيٸن جۋرناليستەر دەپۋتاتتاردان مۇنداي باستامانىڭ سەبەبٸن سۇرادى.
"بٷگٸندە قوعام استانانىڭ بۇرىنعى اتاۋىن قايتارۋدى تالاپ ەتٸپ وتىرعانىن بٸلەسٸزدەر. قارجى تۇرعىسىنان مۇنى قاراستىرۋ كەرەك, بۇل بٸر سەتتٸك شىعىن ەمەس ەكەنٸن تٷسٸنٸپ تۇرعان شىعارسىزدار. قالاي بولعاندا دا, باستاما بولۋى كەرەك, ونى قولداۋ كەرەك, سودان كەيٸن عانا ونىڭ اتاۋىن ٶزگەرتۋ شارالارى بٸرتٸندەپ جٷزەگە اسىرىلادى. قانشا ۋاقىت ٶتەدٸ – جىلدىڭ اياعىنا دەيٸن بە, كەلەسٸ جىلدىڭ اياعىنا دەيٸن – بۇل سۇراق", – دەپ تٷسٸندٸردٸ دانييا ەسپاەۆا.
يرينا سميرنوۆا باق ٶكٸلدەرٸ سۇراعىنا جاۋاپ بەرە وتىرىپ, ول ٷشٸن قالا اتاۋىنىڭ سونشالىقتى ماڭىزدى ەمەس ەكەنٸن اتاپ ٶتتٸ.
"ماعان قالا اتاۋى بۇل قالانىڭ قالاي ٶمٸر سٷرٸپ جاتقانى, مۇندا تۇرعىندارعا قانشالىقتى جايلى ەكەنٸنە قاراعاندا ماڭىزدى ەمەس. بٸرەۋلەر اقمولا, ال كەيبٸرەۋلەرٸ تسەلينوگراد دەپ اتاۋدى ۇسىنىپ جاتىر. ٶيتكەنٸ بۇل ەرتەدەگٸ اتاۋلار ەدٸ. "جاڭا قازاقستان" دەپۋتاتتىق توبى استانا اتاۋىنا ورالايىق دەپ شەشتٸ", - دەدٸ مەجٸلٸس دەپۋتاتى يرينا سميرنوۆا.
