Parlament Májilisi depýtattary «1994 jylǵy 10 jeltoqsandaǵy Qazaqstan Respýblikasynyń Úkimeti men RF Úkimeti arasyndaǵy «Baiqońyr» keshenin jalǵa berý shartyna ózgeris engizý týraly hattamany ratifikatsiialaý týraly» zań jobasy boiynsha talqylaýdy bastady, dep habarlaidy "Ult aqparat".
Májilistiń Halyqaralyq ister, qorǵanys jáne qaýipsizdik komitetiniń tóraiymy, depýtat Aigúl Quspan «1994 jylǵy 10 jeltoqsandaǵy Qazaqstan Respýblikasynyń Úkimeti men RF Úkimeti arasyndaǵy «Baiqońyr» keshenin jalǵa berý shartyna ózgeris engizý týraly» hattama 2018 jylǵy 9 qarashada Petropavl qalasynda jasalǵanyn eske saldy.
«Hattamanyń maqsaty – eki el úkimetteri arasyndaǵy jasalǵan sharttyń tórtinshi babyna Reseidiń «Baiqońyr» keshenin jalǵa alý merzimin 2050 jylǵa deiin uzartý boiynsha ózgeris engizý. Komitet osy zań jobasyn jumysqa alýǵa, ol boiynsha 2021 jylǵy 5 qazanǵa deiingi merzimde qorytyndyny ázirleýge daiyn», - dedi A. Quspan Májilistiń jalpy otyrysynda.
Eske sala keteiik, 2018 jyly Petropavl qalasynda Qazaqstan men Reseidiń Óńiraralyq yntymaqtastyǵynyń XV forýmynda birqatar qujatqa qol qoiyldy.
