Búgin QR Parlamenti Májilisiniń depýtattary Kazantsev Pavel Olegovich, Nurbek Saiasat, Pavlovets Larisa Pavlovna jáne Zakieva Dinara Bolatqyzy óndiristiń eńbek ujymymen kezdesý ótkizdi, dep habarlaidy "Ult aqparat".
Referendým jaily túsinikte berip, jumysshylardyń muń-muqtajyn jáne lebizin tyńdady. Jiynda refendýmǵa qatysty tyń oilar aitylyp, depýtattar «Jańa Qazaqstandy» birge qurýǵa shaqyrdy.
Májilis depýtaty Dinara Zakieva kóp balaly ananyń áleýmettik jaǵdaiyna bailanysty suraǵyna tolyqqandy jaýap berip, aldaǵy ýaqytta máseleniń sheshilýin óz baqylaýynda bolatynyn málimdedi.
Depýtattar jalpyhalyqtyq referendýmnyń mańyzyna toqtalyp, daýys berýdiń erejeleri men sharttaryn túsindirdi. Kezdesýde qatysýshylardyń suraǵyna naqty jaýaptar berildi. Ár baptyń ózgerisine jeke-jeke toqtaldy:
- Sýperprezidenttik basqarý formasynan túpkilikti bas tartý;
- Prezident týystary kvazimemlekettik sektor men memlekettik qyzmette basshylyqqa taǵaiyndalmaidy;
- Jer jáne jer qoinaýy - halyqtyń menshigi;
- "Ólim jazasyna" tiym salý;
- Prezident jáne sýdialar, sailaý komissiiasynyń ókilderi, áskeri jáne Ulttyq qaýipsizdik qyzmetshileri eshqandai partiianyń, qoǵamdyq birlestikterdiń músheliginde bolmaýy tiis.
Sonymen qatar, sharada depýtattarmen Ata zańǵa ózgerister men tolyqtyrýlar engizý jónindegi respýblikalyq referendýmdy qoldaýǵa qatysty salmaqty dálelder men shynaiy sebepter aityldy.
Uiym qyzmetkerleriniń jyly shyraiy men el taǵdyryn aiqyndaityn osynaý mańyzdy kezeńde belsendilik tanytýy qyzmetkerlerdiń azamattyq ustanymynyń durystyǵyn dáleldeidi.
Shara sońynda arnaiy qaǵazǵa usynystar men talap-tilekter jazyldy.
Máseleniń basym bóligi baspana, zeinet jasyn azaitý jáne jalaqy mólsheriniń azdyǵy boldy.
Kezdesý sońynda uiym qyzmetkerleri depýtattarǵa óz yqylystaryn bildirip, jalpyulttyq refendým ótkizý bastamasyn qoldaitynyn jáne Jańa Qazaqstan qurý jolynda memleketke úlken senim artatyn jetkizdi.
