QR Parlamenti Májilisiniń jalpy otyrysynda «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zań jobasy ekinshi oqylymda maquldandy, dep habarlaidy "Ult aqparat".
Zań jobasynyń maqsaty - azamattardyń beibit jáne qarýsyz jinalýǵa, jinalystar, mitingiler men demonstratsiialar, sherýler men piketteý ótkizýge konstitýtsiialyq quqyqtaryn iske asyrý.
Zań jobasynda piketter, mitingiler, jinalystar nysanyndaǵy beibit jinalystardy ótkizý úshin habarlama jasaý tártibi engiziledi. Bul rette jergilikti atqarýshy organnyń jaýaby bolmaǵan jaǵdaida, beibit jinalysty ótkizý únsiz kelisim boiynsha kelisildi dep esepteledi. Buǵan qosa, demonstratsiia, sherý nysanyndaǵy beibit jinalystardy ótkizý úshin jergilikti atqarýshy organnyń kelisimin alý qajet.
Zań jobasynda beibit jinalystardy mamandandyrylǵan oryndarda ǵana ótkizý kózdeledi, olardy jergilikti máslihat aiqyndaityn bolady. Mamandandyrylǵan oryndar uiymdastyrý yńǵailylyǵyn, kólik qoljetimdiligin, jinalystardy uiymdastyrýshylar men qatysýshylardyń da, basqa adamdardyń da qaýipsizdigin, olardyń infraqurylym obektilerin paidalaný múmkindigin qamtamasyz etýge tiis. Zań jobasynda beibit jinalystardy ótkizý úshin balamaly oryndy usyný quqyǵy da kózdelgen.
Beibit jinalystardy ótkizý týraly habarlamany berý merzimi – bes jumys kúnine deiin, al demonstratsiia, sherý nysanyndaǵy beibit jinalystardy ótkizýdi kelisýdi alý týraly ótinishti berý merzimi on jumys kúnine deiin qysqartyldy. Osyǵan bailanysty, jergilikti atqarýshy organdar osy qujattardy tiisinshe úsh jáne jeti jumys kúni ishinde qaraýǵa tiis.
Mamandandyrylǵan oryndardyń bar-joǵy jáne bos ne bos emestigi týraly aqparattyń ashyq ári obektivti bolýy maqsatynda jergilikti atqarýshy organdardyń quzyretine óz internet-resýrsynda beibit jinalystardy ótkizýge arnalǵan mamandandyrylǵan oryndardyń tizbesin, sondai-aq olardyń bos ne bos emes ekendigi týraly aqparatty ornalastyrýdy júkteitin túzetý engizildi. Bul beibit jinalystardy uiymdastyrýshylarǵa osyndai orynnyń bos ne bos emes ekenin eskere otyryp, óz is-sharalaryn aldyn ala josparlaýǵa múmkindik beredi.
Budan basqa, quqyqtyq olqylyqtardy bolǵyzbaý, zań jobasynyń normalaryn bir-birine jáne basqa da zańnamalyq aktilerge sáikes keltirý maqsatynda redaktsiialyq, naqtylaýshy sipattaǵy túzetýler engizildi.
Sonymen qatar, Májilistiń jalpy otyrysynda «Qazaqstan Respýblikasynyń keibir zańnamalyq aktilerine Qazaqstan Respýblikasynda beibit jinalystardy uiymdastyrý jáne ótkizý tártibi máseleleri boiynsha ózgerister men tolyqtyrý engizý týraly» ilespe zań jobasy da ekinshi oqylymda maquldandy.
«Zań jobasy qoldanystaǵy normativtik aktilerdi «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zań jobasyna sáikes keltirýge baǵyttalǵan. Atap aitqanda, depýtattar Ákimshilik quqyq buzýshylyq týraly kodekstiń 488-babyna beibit jinalystardy uiymdastyrý jáne ótkizý tártibi týraly zańnamany buzǵany úshin jaýaptylyqqa qatysty túzetýler engizdi», - dedi Májilistiń Zańnama jáne sot-quqyqtyq reforma komitetiniń múshesi Qanat Mýsin.
Onyń sózine qaraǵanda, beibit jinalystardy uiymdastyrý jáne ótkizý tártibi týraly jańa zań jobasy beibit jinalystar bostandyǵyna arnalǵan quqyqty iske asyrý rásimin edáýir ońailatty: habarlama jasaý tártibi engizildi, jinalysty ótkizý paidasyna prezýmptsiiasy belgilendi, rásimder men qabyldanatyn sheshimderdiń ashyqtyǵy qamtamasyz etildi.
