قر پارلامەنتٸ مەجٸلٸسٸنٸڭ جالپى وتىرىسىندا «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى "ۇلت اقپارات".
زاڭ جوباسىنىڭ ماقساتى - ازاماتتاردىڭ بەيبٸت جەنە قارۋسىز جينالۋعا, جينالىستار, ميتينگٸلەر مەن دەمونستراتسييالار, شەرۋلەر مەن پيكەتتەۋ ٶتكٸزۋگە كونستيتۋتسييالىق قۇقىقتارىن ٸسكە اسىرۋ.
زاڭ جوباسىندا پيكەتتەر, ميتينگٸلەر, جينالىستار نىسانىنداعى بەيبٸت جينالىستاردى ٶتكٸزۋ ٷشٸن حابارلاما جاساۋ تەرتٸبٸ ەنگٸزٸلەدٸ. بۇل رەتتە جەرگٸلٸكتٸ اتقارۋشى ورگاننىڭ جاۋابى بولماعان جاعدايدا, بەيبٸت جينالىستى ٶتكٸزۋ ٷنسٸز كەلٸسٸم بويىنشا كەلٸسٸلدٸ دەپ ەسەپتەلەدٸ. بۇعان قوسا, دەمونستراتسييا, شەرۋ نىسانىنداعى بەيبٸت جينالىستاردى ٶتكٸزۋ ٷشٸن جەرگٸلٸكتٸ اتقارۋشى ورگاننىڭ كەلٸسٸمٸن الۋ قاجەت.
زاڭ جوباسىندا بەيبٸت جينالىستاردى مامانداندىرىلعان ورىنداردا عانا ٶتكٸزۋ كٶزدەلەدٸ, ولاردى جەرگٸلٸكتٸ مەسليحات ايقىندايتىن بولادى. مامانداندىرىلعان ورىندار ۇيىمداستىرۋ ىڭعايلىلىعىن, كٶلٸك قولجەتٸمدٸلٸگٸن, جينالىستاردى ۇيىمداستىرۋشىلار مەن قاتىسۋشىلاردىڭ دا, باسقا ادامداردىڭ دا قاۋٸپسٸزدٸگٸن, ولاردىڭ ينفراقۇرىلىم وبەكتٸلەرٸن پايدالانۋ مٷمكٸندٸگٸن قامتاماسىز ەتۋگە تيٸس. زاڭ جوباسىندا بەيبٸت جينالىستاردى ٶتكٸزۋ ٷشٸن بالامالى ورىندى ۇسىنۋ قۇقىعى دا كٶزدەلگەن.
بەيبٸت جينالىستاردى ٶتكٸزۋ تۋرالى حابارلامانى بەرۋ مەرزٸمٸ – بەس جۇمىس كٷنٸنە دەيٸن, ال دەمونستراتسييا, شەرۋ نىسانىنداعى بەيبٸت جينالىستاردى ٶتكٸزۋدٸ كەلٸسۋدٸ الۋ تۋرالى ٶتٸنٸشتٸ بەرۋ مەرزٸمٸ ون جۇمىس كٷنٸنە دەيٸن قىسقارتىلدى. وسىعان بايلانىستى, جەرگٸلٸكتٸ اتقارۋشى ورگاندار وسى قۇجاتتاردى تيٸسٸنشە ٷش جەنە جەتٸ جۇمىس كٷنٸ ٸشٸندە قاراۋعا تيٸس.
مامانداندىرىلعان ورىنداردىڭ بار-جوعى جەنە بوس نە بوس ەمەستٸگٸ تۋرالى اقپاراتتىڭ اشىق ەرٸ وبەكتيۆتٸ بولۋى ماقساتىندا جەرگٸلٸكتٸ اتقارۋشى ورگانداردىڭ قۇزىرەتٸنە ٶز ينتەرنەت-رەسۋرسىندا بەيبٸت جينالىستاردى ٶتكٸزۋگە ارنالعان مامانداندىرىلعان ورىنداردىڭ تٸزبەسٸن, سونداي-اق ولاردىڭ بوس نە بوس ەمەس ەكەندٸگٸ تۋرالى اقپاراتتى ورنالاستىرۋدى جٷكتەيتٸن تٷزەتۋ ەنگٸزٸلدٸ. بۇل بەيبٸت جينالىستاردى ۇيىمداستىرۋشىلارعا وسىنداي ورىننىڭ بوس نە بوس ەمەس ەكەنٸن ەسكەرە وتىرىپ, ٶز ٸس-شارالارىن الدىن الا جوسپارلاۋعا مٷمكٸندٸك بەرەدٸ.
بۇدان باسقا, قۇقىقتىق ولقىلىقتاردى بولعىزباۋ, زاڭ جوباسىنىڭ نورمالارىن بٸر-بٸرٸنە جەنە باسقا دا زاڭنامالىق اكتٸلەرگە سەيكەس كەلتٸرۋ ماقساتىندا رەداكتسييالىق, ناقتىلاۋشى سيپاتتاعى تٷزەتۋلەر ەنگٸزٸلدٸ.
سونىمەن قاتار, مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ مەسەلەلەرٸ بويىنشا ٶزگەرٸستەر مەن تولىقتىرۋ ەنگٸزۋ تۋرالى» ٸلەسپە زاڭ جوباسى دا ەكٸنشٸ وقىلىمدا ماقۇلداندى.
«زاڭ جوباسى قولدانىستاعى نورماتيۆتٸك اكتٸلەردٸ «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» زاڭ جوباسىنا سەيكەس كەلتٸرۋگە باعىتتالعان. اتاپ ايتقاندا, دەپۋتاتتار ەكٸمشٸلٸك قۇقىق بۇزۋشىلىق تۋرالى كودەكستٸڭ 488-بابىنا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى زاڭنامانى بۇزعانى ٷشٸن جاۋاپتىلىققا قاتىستى تٷزەتۋلەر ەنگٸزدٸ», - دەدٸ مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ مٷشەسٸ قانات مۋسين.
ونىڭ سٶزٸنە قاراعاندا, بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى جاڭا زاڭ جوباسى بەيبٸت جينالىستار بوستاندىعىنا ارنالعان قۇقىقتى ٸسكە اسىرۋ رەسٸمٸن ەدەۋٸر وڭايلاتتى: حابارلاما جاساۋ تەرتٸبٸ ەنگٸزٸلدٸ, جينالىستى ٶتكٸزۋ پايداسىنا پرەزۋمپتسيياسى بەلگٸلەندٸ, رەسٸمدەر مەن قابىلداناتىن شەشٸمدەردٸڭ اشىقتىعى قامتاماسىز ەتٸلدٸ.
