Májilistiń jalpy otyrysynda «Qazaqstan Respýblikasynyń keibir zańnamalyq aktilerine balanyń quqyqtaryn qorǵaý máseleleri boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy QazAqparat.
«Zań jobasy 2021 jylǵy 15 qyrkúiekte birinshi oqylymda maquldandy. Qujat Qazaqstanda balanyń quqyqtaryn qorǵaý úshin tiisti quqyqtyq negiz qurý maqsatynda ázirlendi. Zań jobasynda balalarǵa qatysty kez kelgen zorlyq-zombylyq kórinisterinen, onyń ishinde olardy otbasylyq qatynastar, bilim berý jáne aqparattyq keńestik salalarynda qorǵaý tetikterin iske asyrýǵa baǵdarlanǵan normalar kózdelgen», - dedi Májilistiń Áleýmettik-mádeni damý komitetiniń tóraiymy, depýtat Jámilá Nurmanbetova.
Osy oraida qujatty qaraý barysynda depýtattar birqatar túzetýler engizgenin aitty.
Atap aitqanda olar erekshe qajettilikteri bar balalardyń meditsinalyq ońaltý qyzmetterin alýǵa qol jetkizýin keńeitý, jetim balalar men ata-anasynyń qamqorlyǵynsyz qalǵan balalardy turǵyn úi alý úshin esepke qoiý merzimin qysqartý eskerilgen.
«Kámeletke tolmaǵandar arasynda jábirleý, býlling kórinisterin aldyn alý maqsatynda «jábirleý» uǵymy zańnamalyq túrde bekitildi. Sondai-aq Bilim jáne ǵylym ministrliginiń kámeletke tolmaǵandar arasynda býllingtiń aldyn alý qaǵidalaryn ázirleý jónindegi quzyreti kózdelgen. Budan basqa, quqyqqa qarsy kontentke qarsy is-qimyl tetigin, onyń ishinde «onlain-platforma», «lezdik habarlar almasý servisi» uǵymdaryn bekitý arqyly reglamentteý jónindegi normalar usynyldy», - dedi depýtat.
Sonymen qatar bilim berý salasyndaǵy ýákiletti organǵa memlekettik bilim berý uiymdary pedagogteriniń oqýlyqtar men oqý-ádistemelik keshenderdi tańdaý qaǵidalaryn ázirleý jáne bekitý boiynsha jańa quzyretter berýge,
bilim berý salasyndaǵy ýákiletti organnyń orta bilim berý uiymdary úshin jekelegen pánder boiynsha bazalyq oqýlyqtar men oqý-ádistemelik keshenderdi aiqyndaý ári bekitý jónindegi fýnktsiialaryn bekitýge baǵyttalǵan normalar kózdelgen.
«Zań jobasy aiasynda qaralyp jatqan máselelerdiń keńeigenin eskere otyryp, depýtattar zań jobasynyń taqyrybyn «Qazaqstan Respýblikasynyń keibir zańnamalyq aktilerine balanyń quqyqtaryn qorǵaý, bilim berý, aqparat jáne aqparattandyrý máseleleri boiynsha ózgerister men tolyqtyrýlar engizý týraly» dep ózgertý jóninde usynys engizdi. Bul túzetýler barlyq múddeli memlekettik organdar, qoǵamdyq birlestikter ókilderiniń qatysýymen jumys tobynyń otyrystarynda jan-jaqty qaraldy», - dedi Jámilá Nurmanbetova.
