مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بالانىڭ قۇقىقتارىن قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى قازاقپارات.
«زاڭ جوباسى 2021 جىلعى 15 قىركٷيەكتە بٸرٸنشٸ وقىلىمدا ماقۇلداندى. قۇجات قازاقستاندا بالانىڭ قۇقىقتارىن قورعاۋ ٷشٸن تيٸستٸ قۇقىقتىق نەگٸز قۇرۋ ماقساتىندا ەزٸرلەندٸ. زاڭ جوباسىندا بالالارعا قاتىستى كەز كەلگەن زورلىق-زومبىلىق كٶرٸنٸستەرٸنەن, ونىڭ ٸشٸندە ولاردى وتباسىلىق قاتىناستار, بٸلٸم بەرۋ جەنە اقپاراتتىق كەڭەستٸك سالالارىندا قورعاۋ تەتٸكتەرٸن ٸسكە اسىرۋعا باعدارلانعان نورمالار كٶزدەلگەن», - دەدٸ مەجٸلٸستٸڭ ەلەۋمەتتٸك-مەدەني دامۋ كوميتەتٸنٸڭ تٶرايىمى, دەپۋتات جەميلە نۇرمانبەتوۆا.
وسى ورايدا قۇجاتتى قاراۋ بارىسىندا دەپۋتاتتار بٸرقاتار تٷزەتۋلەر ەنگٸزگەنٸن ايتتى.
اتاپ ايتقاندا ولار ەرەكشە قاجەتتٸلٸكتەرٸ بار بالالاردىڭ مەديتسينالىق وڭالتۋ قىزمەتتەرٸن الۋعا قول جەتكٸزۋٸن كەڭەيتۋ, جەتٸم بالالار مەن اتا-اناسىنىڭ قامقورلىعىنسىز قالعان بالالاردى تۇرعىن ٷي الۋ ٷشٸن ەسەپكە قويۋ مەرزٸمٸن قىسقارتۋ ەسكەرٸلگەن.
«كەمەلەتكە تولماعاندار اراسىندا جەبٸرلەۋ, بۋللينگ كٶرٸنٸستەرٸن الدىن الۋ ماقساتىندا «جەبٸرلەۋ» ۇعىمى زاڭنامالىق تٷردە بەكٸتٸلدٸ. سونداي-اق بٸلٸم جەنە عىلىم مينيسترلٸگٸنٸڭ كەمەلەتكە تولماعاندار اراسىندا بۋللينگتٸڭ الدىن الۋ قاعيدالارىن ەزٸرلەۋ جٶنٸندەگٸ قۇزىرەتٸ كٶزدەلگەن. بۇدان باسقا, قۇقىققا قارسى كونتەنتكە قارسى ٸس-قيمىل تەتٸگٸن, ونىڭ ٸشٸندە «ونلاين-پلاتفورما», «لەزدٸك حابارلار الماسۋ سەرۆيسٸ» ۇعىمدارىن بەكٸتۋ ارقىلى رەگلامەنتتەۋ جٶنٸندەگٸ نورمالار ۇسىنىلدى», - دەدٸ دەپۋتات.
سونىمەن قاتار بٸلٸم بەرۋ سالاسىنداعى ۋەكٸلەتتٸ ورگانعا مەملەكەتتٸك بٸلٸم بەرۋ ۇيىمدارى پەداگوگتەرٸنٸڭ وقۋلىقتار مەن وقۋ-ەدٸستەمەلٸك كەشەندەردٸ تاڭداۋ قاعيدالارىن ەزٸرلەۋ جەنە بەكٸتۋ بويىنشا جاڭا قۇزىرەتتەر بەرۋگە,
بٸلٸم بەرۋ سالاسىنداعى ۋەكٸلەتتٸ ورگاننىڭ ورتا بٸلٸم بەرۋ ۇيىمدارى ٷشٸن جەكەلەگەن پەندەر بويىنشا بازالىق وقۋلىقتار مەن وقۋ-ەدٸستەمەلٸك كەشەندەردٸ ايقىنداۋ ەرٸ بەكٸتۋ جٶنٸندەگٸ فۋنكتسييالارىن بەكٸتۋگە باعىتتالعان نورمالار كٶزدەلگەن.
«زاڭ جوباسى اياسىندا قارالىپ جاتقان مەسەلەلەردٸڭ كەڭەيگەنٸن ەسكەرە وتىرىپ, دەپۋتاتتار زاڭ جوباسىنىڭ تاقىرىبىن «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بالانىڭ قۇقىقتارىن قورعاۋ, بٸلٸم بەرۋ, اقپارات جەنە اقپاراتتاندىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» دەپ ٶزگەرتۋ جٶنٸندە ۇسىنىس ەنگٸزدٸ. بۇل تٷزەتۋلەر بارلىق مٷددەلٸ مەملەكەتتٸك ورگاندار, قوعامدىق بٸرلەستٸكتەر ٶكٸلدەرٸنٸڭ قاتىسۋىمەن جۇمىس توبىنىڭ وتىرىستارىندا جان-جاقتى قارالدى», - دەدٸ جەميلە نۇرمانبەتوۆا.
